កិច្ចប្រជុំពិនិត្យវឌ្ឍនភាពការកសាងប្រព័ន្ធគ្រប់គ្រងឌីជីថលសិក្សាធិការ និងរដ្ឋបាល សម្រាប់វិទ្យាស្ថានគរុកោសល្យរាជធានីភ្នំពេញ

រាជធានីភ្នំពេញ៖ នាថ្ងៃទី៧ ខែមេសា ឆ្នាំ២០២៦ វិទ្យាស្ថានគរុកោសល្យរាជធានីភ្នំពេញ បានបើកកិច្ចប្រជុំពិនិត្យវឌ្ឍនភាពនៃការកសាងប្រព័ន្ធគ្រប់គ្រងឌីជីថលលើការងារសិក្សាធិការ និងរដ្ឋបាល (ប្រព័ន្ធគ្រប់គ្រងសាលារៀន) ជាមួយក្រុមការងារសាលា (SALA) ក្រោមអធិបតីភាពឯកឧត្តមបណ្ឌិត សិត សេង នាយកវិទ្យាស្ថានគរុកោសល្យរាជធានីភ្នំពេញ ដោយមានការចូលរួមពីគណៈគ្រប់គ្រង ព្រឹទ្ធបុរសរង ប្រធាន អនុប្រធានការិយាល័យ/ដេប៉ាតឺម៉ង់ មន្ត្រីការិយាល័យ និងគ្រូឧទ្ទេសពាក់ព័ន្ធ។

ប្រព័ន្ធគ្រប់គ្រងឌីជីថលនេះត្រូវបានរៀបចំរួចរាល់ និងបាននិងកំពុងដាក់ប្រើប្រាស់សាកល្បងជាមួយគរុនិស្សិតឆ្នាំទី២ ក្នុងឆមាសទី២នេះ ដែលមានមុខងារគ្រប់គ្រងជារួមរួមមាន៖

+1

រូបភាព 6 សន្លឹក

១. ការគ្រប់គ្រងព័ត៌មានគរុនិស្សិត និងបុគ្គលិកអប់រំ

២. ការគ្រប់គ្រងម៉ោង និងវត្តមានតាមកាលវិភាគបង្រៀន

៣. ការគ្រប់គ្រងពិន្ទុ និងព្រឹត្តិបត្រពិន្ទុតាមប្រព័ន្ធក្រេឌីត (GPA)

៤. ការគ្រប់គ្រងរបាយការណ៍ ស្ថិតិ និងវិញ្ញាបនបត្ររដ្ឋបាលផ្សេងៗ

៥. ការពិនិត្យតាមដាន និងវាយតម្លៃ

ក្នុងឱកាសនោះ ឯកឧត្តមបណ្ឌិត នាយកវិទ្យាស្ថាន បានវាយតម្លៃខ្ពស់ និងថ្លែងអំណរគុណដល់ក្រុមការងារ SALA តាមរយៈនាយកដ្ឋានបរិវត្តកម្មឌីជីថល ដែលបានខិតខំកសាងប្រព័ន្ធគ្រប់គ្រងនេះសម្រាប់វិទ្យាស្ថានគរុកោសល្យរាជធានីភ្នំពេញ។ ទន្ទឹមនឹងនេះ ឯកឧត្តមបណ្ឌិត ក៏បានថ្លែងអំណរគុណដល់គណៈគ្រប់គ្រង គ្រូឧទ្ទេស និងមន្ត្រីអប់រំពាក់ព័ន្ធរបស់វិទ្យាស្ថានផងដែរ ដែលបានសហការយ៉ាងល្អជាមួយក្រុមការងារ SALA ក្នុងការអភិវឌ្ឍប្រព័ន្ធគ្រប់គ្រងដ៏មានសារៈសំខាន់មួយនេះ៕

សូមចុចអាន៖​ https://www.facebook.com/share/p/17ZN7k7ENd/