អំពីក្រុមប្រឹក្សាជាតិសេដ្ឋកិច្ច និង សង្គមឌីជីថល
បរិវត្តកម្មឌីជីថលនឹងធ្វើឱ្យមានការផ្លាស់ប្ដូរដ៏គួរឱ្យកត់សម្គាល់ទៅលើមូលដ្ឋាន និង ប្រព័ន្ធសេដ្ឋកិច្ច និង សង្គម ក៏ដូចជាទៅលើស្ទើរគ្រប់ទិដ្ឋភាពនៃជីវភាពរស់នៅប្រចាំថ្ងៃរបស់ប្រជាពលរដ្ឋ។ ការណ៍នេះទាមទារជាចម្បងនូវតួនាទី និង អភិបាលកិច្ចក្នុងការដឹកនាំ ប្រកបដោយស្មារតីទទួលខុសត្រូវខ្ពស់ ដោយធានាបាននូវគោលការណ៍គ្រឹះនៃការអភិវឌ្ឍសេដ្ឋកិច្ច និង សង្គមឌីជីថល។ ដូច្នេះយន្តការអនុវត្ត ប្រកបដោយភាពប្រទាក់ក្រឡា និង កិច្ចសហការគ្នាស៊ីជម្រៅ គឺជាកត្តាដែលមិនអាចខ្វះបាន ដើម្បីធានាបាននូវការអនុវត្តក្របខណ្ឌគោលនយោបាយនេះឱ្យទទួលបានជោគជ័យដោយឆ្លុះបញ្ចាំងតាមរយៈការកំណត់នូវក្របខណ្ឌស្ថាប័នដូចខាងក្រោម៖
រចនាសម្ព័ន្ធ
ក្រុមប្រឹក្សាជាតិសេដ្ឋកិច្ច និង សង្គមឌីជីថល
ក្រុមប្រឹក្សាយោបល់បច្ចេកវិទ្យាឌីជីថល
អគ្គលេខាធិការដ្ឋាន
គណៈកម្មាធិការ សន្តិសុខឌីជីថល
ក្រុមប្រឹក្សាជាតិសេដ្ឋកិច្ច និង សង្គមឌីជីថល
ក្រុមប្រឹក្សាយោបល់បច្ចេកវិទ្យាឌីជីថល
អគ្គលេខាធិការដ្ឋាន
គណៈកម្មាធិការ សន្តិសុខឌីជីថល
សមាសភាព
យោងតាមសេចក្តីសម្រេចស្ដីពីការតែងតាំងសមាសភាពក្រុមប្រឹក្សាជាតិសេដ្ឋកិច្ច និងសង្គមឌីជីថល លេខ ១២៧ សសរ ចុះថ្ងៃទី ១២ ខែ តុលា ឆ្នាំ ២០២៣ សមាសភាពរបស់ក្រុមប្រឹក្សាជាតិសេដ្ឋកិច្ច និងសង្គមឌីជីថលមាន៖
ប្រធាន
សម្តេចមហាបវរធិបតី ហ៊ុន ម៉ាណែត
នាយករដ្ឋមន្រ្តីនៃព្រះរាជាណាចក្រកម្ពុជា
អនុប្រធានប្រចាំការ
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន
រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ
អនុប្រធាន
ឯកឧត្តមអភិសន្តិបណ្ឌិត ស សុខា
ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ
អនុប្រធាន
ឯកឧត្តម ទៀ សីហា
ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ
អនុប្រធាន
ឯកឧត្តមជា វ៉ាន់ដេត
រដ្ឋមន្ត្រីក្រសួងប្រៃសណីយ៍និងទូរគមនាគមន៍
អនុប្រធាន
ឯកឧត្តម ហែម វណ្ណឌី
រដ្ឋមន្រ្ដីក្រសួងឧស្សាហកម្ម វិទ្យាសាស្រ្តបច្ចេកវិទ្យា និងនវានុវត្តន៍
សមាជិក
ឯកឧត្តមបណ្ឌិតសភាចារ្យ ហង់ជួន ណារ៉ុន
ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជន និងកីឡា
សមាជិក
ឯកឧត្តម សាយ សំអាល់
ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់
សមាជិក
ឯកឧត្តម កើត រិទ្ធ
ឧបនាយករដ្ឋមន្រ្តី រដ្ឋមន្ត្រីក្រសួងយុត្តិធម៌
សមាជិក
ឯកឧត្តម ប្រាក់ សុខុន
រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ
សមាជិក
ឯកឧត្តម វង្សី វិស្សុត
ឧបនាយករដ្ឋមន្រ្តីប្រចាំការ រដ្ឋមន្ត្រីទទួលបន្ទុកទីស្ដីការគណៈរដ្ឋមន្រ្តី
សមាជិក
ឯកឧត្តម ឌិត ទីណា
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ
សមាជិក
លោកជំទាវ ចម និម្មល
រដ្ឋមន្រ្ដីក្រសួងពាណិជ្ជកម្ម
សមាជិក
ឯកឧត្តម កែវ រតនៈ
រដ្ឋមន្រ្ដីក្រសួងរ៉ែ និងថាមពល
តួនាទី និង ភារកិច្ច
ក្រុមប្រឹក្សាជាតិសេដ្ឋកិច្ច និង សង្គមឌីជីថល គឺជាសេនាធិការរបស់រាជរដ្ឋាភិបាលដែលមានតួនាទីតម្រង់ទិស និង ដាក់ចេញនូវគោលនយោបាយសេដ្ឋកិច្ច និង សង្គមឌីជីថល។ ក្នុងន័យនេះក្រុមប្រឹក្សានេះ គឺជាស្ថាប័នកំពូលកម្រិតនយោបាយ និង មានតួនាទីសំខាន់ក្នុងការដឹកនាំ និង ការសម្របសម្រួលអន្តរស្ថាប័ន ក្រោមឆ័ត្ររួម ដែលមានតួនាទី និង ភារកិច្ច ដូចខាងក្រោម៖
កំណត់ចក្ខុវិស័យ និង រៀបចំគោលនយោបាយ យុទ្ធសាស្ត្រ និង ឯកសារគោលសំខាន់ៗសម្រាប់ការអភិវឌ្ឍសេដ្ឋកិច្ច និង សង្គមឌីជីថល និង យន្ដការអនុវត្តប្រកបដោយប្រសិទ្ធភាព
ពិនិត្យ សម្របសម្រួល និង លើកអនុសាសន៍ជូនរាជរដ្ឋាភិបាលក្នុងការសម្រេចលើផែនការ វិនិយោគលើគម្រោងទាក់ទងនឹងការអភិវឌ្ឍសេដ្ឋកិច្ច និង សង្គមឌីជីថល
ដឹកនាំ សម្របសម្រួល និង តាមដានការអនុវត្តផែនការសកម្មភាពក្នុងការអភិវឌ្ឍសេដ្ឋកិច្ច និង សង្គមឌីជីថល ដោយកំណត់សូចនាករសមិទ្ធកម្មគន្លឹះសម្រាប់ការតាមដានការអនុវត្ត
ពិនិត្យ និង សម្រេចឱ្យមានការផ្សព្វផ្សាយឧត្តមានុវត្តន៍ បទពិសោធ ចំណេះដឹង ពុទ្ធិ ទេពកោសល្យ និង ជំនាញអភិវឌ្ឍសេដ្ឋកិច្ច និង សង្គមឌីជីថល
កសាងទំនុកចិត្ត និង ភាពជឿជាក់ពីគ្រប់តួអង្គសង្គមលើប្រព័ន្ធ ឌីជីថលដើម្បីឆ្លើយតបទៅនឹងតម្រូវការនៅក្នុងការអភិវឌ្ឍ សេដ្ឋកិច្ច និង សង្គមឌីជីថល
បង្កើតគណៈកម្មាធិការ គណៈកម្មការ ឬ ក្រុមការងារពាក់ព័ន្ធតាមផ្នែក