គម្រោង

ផ្តល់សេវាសាធារណៈបានលឿនជាងមុន ចំណាយតិច និងមានតម្លាភាពជាងមុនតាមរយៈការដាក់ឱ្យប្រើប្រាស់នូវក្របខណ្ឌការងារដែលមិនប្រើប្រាស់ក្រដាស។

ប្រើប្រាស់បច្ចេកវិទ្យាប្លុកឆេន ដើម្បីរក្សាទុកនូវកូដឌីជីថលតែមួយគត់ ដើម្បីធានាថាឯកសារនោះគឺជាឯកសារស្របច្បាប់ និងមិនត្រូវបានលុបចោលដោយអង្គភាពចេញឯកសារ។

ត្រូវបានទទួលស្គាល់ជាអន្តរជាតិសម្រាប់ការឈានមុខគេក្នុងការធ្វើបរិវត្តកម្មឌីជីថលនៃរដ្ឋបាលសាធារណៈ ជាមួយនឹងម៉ូដែលប្រហាក់ប្រហែលគ្នាដែលត្រូវបានយកទៅអនុវត្តដោយដៃគូក្នុងតំបន់ (ឧទាហរណ៍៖ ប្រទេសឡាវ, ប្រទេសទីម័រឡេស្តេ)។

បង្កើនល្បឿន និងប្រសិទ្ធភាពនៃការផ្តល់សេវាសាធារណៈ ដូចជាការចុះបញ្ជីអាជីវកម្ម និងការទទួលបានសេវារដ្ឋបាលផ្សេងៗ។

ផ្អែកលើទស្សនទាននៃ "គោលការណ៍ផ្តល់ទិន្នន័យតែម្តងគត់" (TOOP) ដែលធានាថាទិន្នន័យនឹងត្រូវប្រមូលពីប្រជាពលរដ្ឋ អាជីវកម្ម និងរដ្ឋាភិបាលតែម្តងគត់ ដោយអនុលោមតាមច្បាប់/បទប្បញ្ញត្តិការពារទិន្នន័យ ជាមួយនឹងការយល់ព្រមពីអ្នកប្រើប្រាស់។

ជំរុញអន្តរប្រតិបត្តិការនៅទូទាំងប្រទេស​ និងការចែករំលែកទិន្នន័យដោយរលូនរវាងប្រព័ន្ធដែលមានការអនុញាត។

ភ្ជាប់ទំនាក់ទំនងជាមួយធនាគារធំៗ និងស្ថាប័នផ្តល់សេវាហិរញ្ញវត្ថុទាំងអស់ ដើម្បីធានាបាននូវការធ្វើប្រតិបត្តិការដោយរលូនរវាងស្ថាប័ន និងស្ថាប័ន។

សម្របសម្រួលការទូទាត់ឌីជីថលតាមរយៈការប្រើប្រាស់កូដ KHQR ស្តង់ដារនៅទូទាំងប្រទេស។

ផ្តល់នូវការធ្វើប្រតិបត្តិការលដោយមិនគិតថ្លៃ ដែលជួយពង្រឹងបរិយាបន្នហិរញ្ញវត្ថុសម្រាប់ប្រជាជនរាប់លាននាក់។

បង្កើតឱ្យមានឥទ្ធិពលប្រកបដោយអត្ថន័យ តាមរយៈការផ្ដល់នូវការអប់រំដែលមានគុណភាព និងភាពងាយស្រួលសម្រាប់អ្នកសិក្សាខ្មែរគ្រប់រូប។ យើងជឿជាក់ថា ការអប់រំគឺជាសិទ្ធិមូលដ្ឋាន និងជាឧបករណ៍ដ៏មានអានុភាព ក្នុងការកសាងអនាគតដ៏ភ្លឺស្វាងសម្រាប់មនុស្សគ្រប់គ្នា។

ផលិត និងចែកចាយខ្លឹមសារអប់រំដែលមានគុណភាពខ្ពស់ និងសម្បូរបែប ស្របតាមកម្មវិធីសិក្សារបស់ក្រសួងអប់រំ យុវជន និងកីឡា ដើម្បីគាំទ្រដល់ការរៀនសូត្រ ការអភិវឌ្ឍជំនាញ និងចំណេះដឹងផ្នែកឌីជីថលនៅទូទាំងប្រទេសកម្ពុជា។

- ការអប់រំកម្រិតចំណេះទូទៅ (K-12): ខ្លឹមសារវីដេអូដែលស្របតាមកម្មវិធីសិក្សាជាតិ ចាប់ពីថ្នាក់ទី១ ដល់ថ្នាក់ទី១២។ - ការអភិវឌ្ឍសមត្ថភាពគ្រូបង្រៀន: ម៉ូឌុលបណ្តុះបណ្តាលស្តីពីវិធីសាស្ត្របង្រៀនបែបទំនើប និងឧបករណ៍ឌីជីថលសម្រាប់អ្នកអប់រំ។ - កម្មវិធីបំនិនជីវិត: ម៉ូឌុលសម្រាប់ការរីកចម្រើនផ្ទាល់ខ្លួន ចំណេះដឹងពលរដ្ឋ និងការត្រៀមខ្លួនសម្រាប់អាជីពការងារ។ -ការបណ្តុះបណ្តាលមន្ត្រីរាជការ: ការបណ្តុះបណ្តាលជំនាញឯកទេសសម្រាប់មន្ត្រីរដ្ឋាភិបាល និងបុគ្គលិកក្នុងវិស័យសាធារណៈ។

លើកកម្ពស់ការចូលរួមកសាងសេដ្ឋកិច្ច និងសង្គមឌីជីថលរបស់ប្រជាពលរដ្ឋក្នុងសហគមន៍ តាមរយៈការបណ្តុះបណ្តាលជំនាញបច្ចេកវិទ្យាឌីជីថលសម្រាប់ប្រើប្រាស់ក្នុងជីវភាពរស់នៅប្រចាំថ្ងៃប្រកបដោយប្រសិទ្ធភាព និងការទទួលខុសត្រូវខ្ពស់។

- ផ្តល់ការបណ្តុះបណ្តាលជំនាញបច្ចេកវិទ្យាឌីជីថល ដើម្បីជំរុញអក្ខរកម្មឌីជីថល និងបរិវត្តកម្មឌីជីថលនៅតាមសាលារៀន និងសហគមន៍ប្រកបដោយបរិយាបន្ន។ - ផ្តល់សេវាសាធារណៈអនឡាញ សេវាប្រៃសណីយ៍ សេវាអ៊ីនធឺណិត និងឧបករណ៍បច្ចេកវិទ្យាដែលបម្រើដល់ការលើកកម្ពស់ការអប់រំ ឌីជីថល និងជីវភាពប្រជាពលរដ្ឋនៅក្នុងមូលដ្ឋាន។

ប្រើរយៈពេលត្រឹមតែ ៨ ថ្ងៃនៃថ្ងៃធ្វើការ ដើម្បីទទួលបានអាជ្ញាបណ្ណ ឬវិញ្ញាបនបត្រអាជីវកម្ម។

កាត់បន្ថយចំណាយក្រៅផ្លូវការ និងកម្រៃសេវារដ្ឋបាលផ្សេងៗ។

លុបបំបាត់ការបំពេញទិន្នន័យដដែលៗនៅតាមស្ថាប័នរដ្ឋផ្សេងៗគ្នា។

បង់ថ្លៃសេវាចុះបញ្ជីតាមអនឡាញតែម្តងគត់ និងទទួលបានវិញ្ញាបនបត្រឌីជីថលផ្លូវការ។

ផ្តល់នូវទំនុកចិត្តខ្ពស់ដល់សាធារណជន និងធានាថាគ្រប់ឯកសារដែលចូលមើលគឺជាឯកសារផ្លូវការ ដែលត្រូវបានបញ្ជាក់អត្តសញ្ញាណ និងចេញពីប្រភពដែលត្រឹមត្រូវបំផុត។

ប្រើប្រាស់អ៊ីមែល​ដែល​មាន​ឈ្មោះដែន gov.kh ដើម្បីទប់ស្កាត់ការក្លែងបន្លំ (Anti-phishing) រួមជាមួយមុខងារចែករំលែកឯកសារតាមរយៈតំណភ្ជាប់ខ្លីដែលងាយស្រួលចងចាំ និងមុខងារវិភាគទិន្នន័យនៃការចូលមើល។

បង្កើតជាថ្នាលផ្ទុកឯកសារសាធារណៈផ្លូវការ ដែលទទួលបានការប្រើប្រាស់ជាផ្លូវការក្នុងរាជរដ្ឋាភិបាល ដើម្បីបង្កើនតម្លាភាព និងសុវត្ថិភាពក្នុងការចែករំលែកព័ត៌មាន។

ដាក់ឱ្យដំណើរការទម្រង់បែបបទក្នុងរយៈពេលប៉ុន្មាននាទី ជាមួយការបង្កើតទម្រង់ដោយគ្រាន់តែ drag & drop ជាមួយនឹងប្រភេទសំណួរជាង ២០មុខ ដោយមិនបាច់ត្រូវការអភិវឌ្ឍន៍កូដ និងឥតគិតថ្លៃ។

មានមុខងារផ្ញើអ៊ីម៉ែលបញ្ជាក់ ការបំពេញចន្លោះជាមុន (Prefill) លក្ខខណ្ឌក្នុងទម្រង់បែបបទ (Conditional logic) ការកំណត់ពេលវេលាស្វ័យប្រវត្តិ និងអាចភ្ជាប់ជាមួយកម្មវិធីទី៣ តាមរយៈ Webhooks។

ធានាថាទិន្នន័យទាំងអស់ត្រូវបាន encrypt end-to-end ដែលមានន័យថាភាគីទីបី រួមទាំង FormKH នឹងមិនអាចចូលប្រើ ឬមើលទិន្នន័យក្នុងទម្រង់បែបបទរបស់អ្នកបានឡើយ។

ផ្ដល់នូវភាពងាយស្រួលក្នុងការទំនាក់ទំនងទៅកាន់ប្រជាពលរដ្ឋតាមរយៈ Multichannel (SMS និង អ៊ីមែល) ក្នុង Platform តែមួយ។ បង្កើនប្រសិទ្ធភាពក្នុងការផ្ញើព័ត៌មានសម្ងាត់ដោយមានប្រព័ន្ធការពារពាក្យសម្ងាត់ និងកាត់បន្ថយការប្រើប្រាស់ក្រដាសស្នាម។

រួមមានការផ្ញើសារផ្ទាល់ខ្លួន (Personalized messages), ការកំណត់ពេលយុទ្ធនាការទុកជាមុន, ការតាមដានស្ថានភាពចែកចាយសារ និងប្រព័ន្ធស្វ័យប្រវត្តិ Triggered API ដែលមានភាពសន្សំសំចៃ និងទំនើប។

ដើម្បីផ្លាស់ប្តូរការធ្វើការងារទៅជាបែបឌីជីថល ជំនួសការហៅទូរសព្ទ ឬការប្រើប្រាស់ក្បាលសំបុត្រ និងត្រា ព្រមទាំងបង្កើនល្បឿននៃការផ្ដល់ព័ត៌មានជូនប្រជាពលរដ្ឋ។

ជួយបំប្លែងអត្ថបទភាសាខ្មែរទៅជាសំឡេងធម្មជាតិ ដើម្បីលើកកម្ពស់ភាពងាយស្រួលក្នុងការចូលប្រើព័ត៌មានឌីជីថល និងការបង្កើតមាតិកាសំឡេងភាសាខ្មែរ។

បំប្លែងអត្ថបទទៅជាសំឡេងដោយ AI, គាំទ្រការវិភាគភាសាខ្មែរ, និងបង្កើតសំឡេងជាភាសាខ្មែរ។

ដើម្បីជំរុញការអភិវឌ្ឍបច្ចេកវិទ្យាភាសាខ្មែរ និងពង្រឹងការប្រើប្រាស់សេវាឌីជីថលដោយប្រើបច្ចេកវិទ្យាបញ្ញាសិប្បនិម្មិត។

ជួយសម្រួលដំណើរការការងារ កាត់បន្ថយការងារដែលធ្វើដដែលៗ កាត់បន្ថយកំហុសមនុស្ស និងបង្កើនប្រសិទ្ធភាពប្រតិបត្តិការ។

ស្វ័យប្រវត្តិកម្មលំហូរការងារ, ការភ្ជាប់កម្មវិធី, ការតាមដានទម្រង់បែបបទ, ការបញ្ជូនពាក្យសុំដោយស្វ័យប្រវត្តិ និងការគ្រប់គ្រងដំណើរការការងារ។

ដើម្បីធ្វើឱ្យលំហូរការងារ និងដំណើរការសេវាសាធារណៈមានភាពងាយស្រួល និងមានប្រសិទ្ធភាពតាមរយៈបច្ចេកវិទ្យាស្វ័យប្រវត្តិកម្ម។

ជួយបង្កើត QR Code ដែលមានស្តង់ដារ ងាយស្រួលប្រើប្រាស់ និងគាំទ្រការចែករំលែកព័ត៌មានឌីជីថលសម្រាប់សាធារណៈ។

បង្កើត QR Code សម្រាប់អត្ថបទ តំណភ្ជាប់ Wi-Fi អ៊ីមែល និង vCard, កំណត់ពណ៌ និងនិមិត្តសញ្ញា, ទាញយក QR Code និងកែតម្រូវគុណភាពរូបភាព។

ដើម្បីផ្តល់ថ្នាលស្តង់ដារសម្រាប់ការបង្កើត និងប្រើប្រាស់ QR Code ប្រកបដោយភាពងាយស្រួល សុវត្ថិភាព និងអាចទុកចិត្តបាន។

ជួយសហគ្រាសពង្រឹងប្រសិទ្ធភាពប្រតិបត្តិការ បង្កើនផលិតភាព ពង្រីកទីផ្សារ និងជំរុញការចាប់យកបច្ចេកវិទ្យាឌីជីថល។

ការលើកកម្ពស់បរិវត្តកម្មឌីជីថលសហគ្រាស ការបណ្តុះបណ្តាល និងពង្រឹងសមត្ថភាព ការបង្កើនការយល់ដឹងអំពីឌីជីថល និងការគាំទ្រការប្រើប្រាស់ថ្នាលឌីជីថល។

ដើម្បីជំរុញការអភិវឌ្ឍវិស័យឌីជីថលនៅកម្ពុជា និងលើកកម្ពស់ភាពប្រកួតប្រជែងរបស់សហគ្រាសក្នុងសេដ្ឋកិច្ចឌីជីថល។