ថ្ងៃទី២ មិថុនា ២០២៤

ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថល បានអញ្ជើញដឹកនាំគណៈប្រតិភូចូលរួមក្នុងកិច្ចប្រជុំ ASIA TECH x SINGAPORE (ATxSG) ដែលបានប្រព្រឹត្តទៅចាប់ពីថ្ងៃទី២៩-៣១ ខែឧសភា ឆ្នាំ២០២៤ នៅប្រទេសសិង្ហបុរី ដោយមានការអញ្ជើញចូលរួមពីថ្នាក់ដឹកនាំ និងអ្នកជំនាញបច្ចេកវិទ្យាឌីជីថល អ្នកជំនាញសន្តិសុខបច្ចេកវិទ្យា និងក្រុមហ៊ុនបច្ចេកវិទ្យាមកពីប្រទេសជាច្រើនជុំវិញពិភពលោក។

កិច្ចប្រជុំនេះមានគោលបំណងពិភាក្សាផ្លាស់ប្ដូរបទពិសោធនិង ស្វែងយល់អំពីការវិវឌ្ឍនៃបច្ចេកវិទ្យាចុងក្រោយ ព្រមទាំងតួនាទីរបស់រដ្ឋាភិបាល និងធុរកិច្ចក្នុងការរួមគ្នាជំរុញសេដ្ឋកិច្ចឌីជីថល និងសង្គមឌីជីថល។ ស្របជាមួយគ្នានេះ ឯកឧត្តមរដ្ឋមន្ត្រី និងគណ:ប្រតិភូកម្ពុជា ក៏បានចូលរួមពិភាក្សាលើការវិវឌ្ឍចុងក្រោយនៃបច្ចេកវិទ្យាបញ្ញាសិប្បនិម្មិត (AI) និងបញ្ហាសុវត្ថិភាពតាមប្រព័ន្ធអ៊ីនធឺណិត ជាពិសេសសម្រាប់កុមារ។

រូបភាព 5 សន្លឹក

នៅក្នុងដំណើរបេសកកម្មនេះ គណៈប្រតិភូ បានជួបពិភាក្សាការងារដោយផ្ទាល់ជាមួយក្រុមហ៊ុន Apple, Amazon, Google, Grab, មជ្ឈមណ្ឌលបណ្តុះធុរកិច្ចថ្មី Block 71 របស់សិង្ហបុរី និងទីភ្នាក់ងារសន្តិសុខសាយប័រ (Cyber Security Agency) ដើម្បីពង្រឹងទំនាក់ទំនង និងជំរុញការអភវឌ្ឍបច្ចេកវិទ្យានិងនវានុវត្តន៍ឌីជីថលនៅកម្ពុជា។ ជាមួយគ្នានេះ គណៈប្រតិភូ បានអញ្ជើញទស្សនានូវឧបករណ៍ និងដំណោះស្រាយនានាដោយប្រើប្រាស់បច្ចេកវិទ្យាឌីជីថលទំនើបៗចុងក្រោយ ដែលបានដាក់តាំងពិព័រណ៍ដោយក្រុមហ៊ុននានានៅលើពិភពលោកផងដែរ។

ប្រទេសសិង្ហបុរី | ថ្ងៃទី៣១ ឧសភា ២០២៤

សូមចុចអាន៖ https://www.facebook.com/share/p/17MTPTghMD/

ព័ត៌មានថ្មីៗ

ទស្សនកិច្ចសិក្សា ស្តីពី ប្រព័ន្ធគ្រប់គ្រងការរៀន(Learning Management System) និងថ្នាក់រៀនត្រឡប់ (Flipped Classroom)

អបអរសាទរទិវាអន្តរជាតិ “ក្មេងស្រីក្នុងវិស័យបច្ចេកវិទ្យាគមនាគមន៍និងព័ត៌មាន”ឆ្នាំ២០២៦

ព័ត៌មានទាក់ទង

ទស្សនកិច្ចសិក្សា ស្តីពី ប្រព័ន្ធគ្រប់គ្រងការរៀន(Learning Management System) និងថ្នាក់រៀនត្រឡប់ (Flipped Classroom)

អបអរសាទរទិវាអន្តរជាតិ “ក្មេងស្រីក្នុងវិស័យបច្ចេកវិទ្យាគមនាគមន៍និងព័ត៌មាន”ឆ្នាំ២០២៦