មន្ត្រី-បុគ្គលិកធនាគារជាតិនៃកម្ពុជា បានបន្តអនុវត្តកម្មវិធីបណ្តុះបណ្តាលប្រចាំសប្តាហ៍ ជូនដល់សិស្សានុសិស្សនៅតាមគ្រឹះស្ថានសិក្សាជាច្រើនក្នុងខេត្តកំពង់ធំ ដោយកម្មវិធីនេះត្រូវបានអនុវត្តសរុបចំនួន ៥ លើកក្នុងខែសីហា ឆ្នាំ២០២៦។

ការបណ្តុះបណ្តាលលើកទី៥ បានប្រព្រឹត្តទៅនាថ្ងៃទី២៩ ខែសីហា ឆ្នាំ២០២៦ នៅវិទ្យាល័យកំពង់ថ្ម វិទ្យាល័យតាំងក្រសាំង វិទ្យាល័យហ៊ុនសែនភ្នំសន្ទុក អនុវិទ្យាល័យព្នៅ និងបឋមសិក្សាព្នៅ។

កម្មវិធីបណ្តុះបណ្តាលនេះផ្តោតលើការយល់ដឹងអំពីគោលការណ៍ជាមូលដ្ឋាននៃការសរសេរកូដ ការអនុវត្តលំហាត់ជាក់ស្តែង និងការបង្កើត Mini Project “On the Move with Play Lab” ដែលជួយអភិវឌ្ឍសមត្ថភាពវិភាគ ការដោះស្រាយបញ្ហា និងការច្នៃប្រឌិតរបស់សិស្សានុសិស្ស។ ជាមួយគ្នានេះ សិស្សានុសិស្សក៏បានសិក្សាអំពី AI Tools (ឧបករណ៍បញ្ញាសិប្បនិម្មិត) និងការប្រើប្រាស់ឧបករណ៍ទាំងនេះក្នុងការគាំទ្រការសិក្សាការស្រាវជ្រាវ និងការអភិវឌ្ឍជំនាញឌីជីថលផងដែរ។

+1

រូបភាព 6 សន្លឹក

សូមចុចអាន៖ https://www.facebook.com/share/p/1DXqBTMXDx/