ឯកឧត្តមរដ្ឋមន្ត្រី ជា វ៉ាន់ដេត បានដឹកនាំគណៈប្រតិភូ ជួបប្រជុំពិភាក្សាការងារជាមួយក្រុមហ៊ុនបច្ចេកវិទ្យា នៅរដ្ឋកាលីហ្វ័រនីញ៉ា សហរដ្ឋអាម៉េរិក

រដ្ឋកាលីហ្វ័រនីញ៉ា៖ ក្នុងដំណើរទស្សនកិច្ចនៅសហរដ្ឋអាម៉េរិក ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថល បានដឹកនាំគណៈប្រតិភូ ជួបប្រជុំពិភាក្សាការងារជាមួយក្រុមហ៊ុនបច្ចេកវិទ្យាមួយចំនួន ដូចជាក្រុមហ៊ុន Toyota Boshoku ក្រុមហ៊ុន Hyundai ក្រុមហ៊ុន LG និងក្រុមហ៊ុន ROKiT ក្រោមការសម្របសម្រួលរៀបចំដោយក្រុមហ៊ុន Plug and Play ដែលមានបណ្តាញទំនាក់ទំនងក្រុមហ៊ុនបច្ចេកវិទ្យានានា។ នៅក្នុងជំនួបនេះ ក៏មានការអញ្ជើញចូលរួមពី ឯកឧត្តម ជា សេរីវឌ្ឍ អគ្គលេខាធិការនៃអគ្គលេធិការដ្ឋានគណៈកម្មាធិការរដ្ឋាភិបាលឌីជីថល ផងដែរ។

កិច្ចប្រជុំទាំងនេះ មានគោលបំណងដូចខាងក្រោម៖

+1

រូបភាព 6 សន្លឹក

(១) ទាក់ទាញការវិនិយោគលើវិស័យបច្ចេកវិទ្យាឌីជីថលនៅកម្ពុជា

(២) សិក្សាអំពីការប្រើប្រាស់ប្រព័ន្ធឌីជីថលក្នុងយានយន្ត

(៣) ស្វែងយល់អំពីយន្តការនៃការវិនិយោគលើធុរកិច្ចថ្មីឌីជីថល (Digital Startup)

(៤) ស្វែងយល់អំពីបច្ចេកទេសក្នុងការរៀបចំ WIFI នៅទីសាធារណៈ និង

(៥) ផ្សព្វផ្សាយនិងជំរុញការប្រើប្រាស់ថ្នាលផ្ទៀងផ្ទាត់ឯកសារ VERIFY.GOV.KH ។

📍 សហរដ្ឋអាមេរិក៖ ថ្ងៃទី២៤ ឧសភា ២០២៥

សូមចុចអាន៖ https://www.facebook.com/share/p/1HwGVUNDQa/