ឯកឧត្តមរដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថល បានអញ្ជើញជាអធីបតីដ៏ខ្ពង់ខ្ពស់ដឹកនាំកិច្ចប្រជុំគណៈកម្មាធិការរដ្ឋាភិបាលឌីជីថល នៅទីស្ដីការក្រសួងប្រៃសណីយ៍និងទូរគមនាគមន៍

រាជធានីភ្នំពេញ៖ កាលពីរសៀលថ្ងៃសុក្រ ទី១៦ ខែសីហា ឆ្នាំ២០២៤ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថល បានអញ្ជើញជាអធីបតីដឹកនាំកិច្ចប្រជុំគណៈកម្មាធិការរដ្ឋាភិបាលឌីជីថល (គ.រ.ឌ.) នៅទីស្ដីការក្រសួងប្រៃសណីយ៍និងទូរគមនាគមន៍ ដោយមានការអញ្ជើញចូលរួមពី ឯកឧត្ដម លោកជំទាវ លោក លោកស្រី ជាអនុប្រធាន សមាជិក គ.រ.ឌ. ថ្នាក់ដឹកនាំតំណាងក្រសួង ស្ថាប័ន និងមន្រ្តីរាជការ សរុបប្រមាណ ១០០នាក់។

គួរបញ្ជាក់ផងដែរថា កិច្ចប្រជុំនេះ ត្រូវបានរៀបចំឡើង ដេីម្បីពិនិត្យ និងពិភាក្សាលេីរបៀបវារ: ដូចខាងក្រោម៖

រូបភាព 5 សន្លឹក

១. វឌ្ឍនភាពការរៀបចំហេដ្ឋារចនាសម្ព័ន្ធនិងការតភ្ជាប់អុីនធឺណិតនៅតាមក្រសួង​ ស្ថាប័ន

២. វឌ្ឍនភាពការបណ្ដុះបណ្ដាលមន្ត្រីតាមក្រសួង ស្ថាប័ន

៣. វឌ្ឍនភាពការងាររបស់គណៈកម្មាធិការរដ្ឋាភិបាលឌីជីថល (គ.រ.ឌ.) តាមរយៈការដាក់ឱ្យប្រើប្រាស់ថ្នាលឬសេវារដ្ឋាភិបាលឌីជីថលនៅតាមក្រសួង ស្ថាប័ន

៤. ការធ្វើបទបង្ហាញអំពីសេចក្ដីព្រាងអនុក្រឹត្យស្ដីពីគោលការណ៍នៃការបង្កើតអង្គភាពបរិវត្តកម្មឌីជីថលនៅតាមក្រសួង ស្ថាប័ន

៥. កិច្ចពិភាក្សាក្រោមការដឹកនាំដ៏ខ្ពង់ខ្ពស់របស់ ឯកឧត្តមរដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានគ.រ.ឌ.

៦. ការពិភាក្សាលើបញ្ហាផ្សេងៗពីក្រុមការងារគណៈកម្មាធិការរដ្ឋាភិបាលឌីជីថល និងថ្នាក់ដឹកនាំគ្រប់ក្រសួង-ស្ថាប័នពាក់ព័ន្ធផ្សេងៗផងដែរ។

សូមចុចអាន៖ https://www.facebook.com/share/p/1BN9dLhBbW/