ថ្ងៃទី២០ ឧសភា ២០២៦
សិក្ខាសាលាចែករំលែកបទពិសោធស្តីពី “វឌ្ឍនភាពនិងទិសដៅបរិវត្តកម្មឌីជីថលនៅកម្ពុជា”
នារសៀលថ្ងៃទី១៩ ខែឧសភា ឆ្នាំ២០២៦ នៅអគារមជ្ឈមណ្ឌលអភិវឌ្ឍធុរកិច្ច, លោក សុខ សុវណ្ណសីលាបុត្រ តំណាងក្រុមការងារតាមដាន ត្រួតពិនិត្យ និង វាយតម្លៃ នៃអគ្គលេខាធិការដ្ឋានគណៈកម្មាធិការសេដ្ឋកិច្ច និង ធុរកិច្ចឌីជីថល (គ.ស.ធ.ឌ.) បានចូលរួមសិក្ខាសាលាចែករំលែកបទពិសោធស្តីពី “វឌ្ឍនភាពនិងទិសដៅបរិវត្តកម្មឌីជីថលនៅកម្ពុជា” និង បានធ្វើបទបង្ហាញស្តីពី វឌ្ឍនភាព និង ទិសដៅបរិវត្តកម្មឌីជីថល របស់ក្រសួងសេដ្ឋកិច្ច និង ហិរញ្ញវត្ថុ ដែលមានការចូលរួមពីនិយ័តករនិងអង្គភាពក្រោមឱវាទ អ.ស.ហ., ក្រសួង-ស្ថាប័ន និង វិស័យឯកជនដោយមានការអញ្ជើញចូលរួមជាអធិបតីដ៏ខ្ពង់ខ្ពស់ ឯកឧត្តម ម៉ី វ៉ាន់ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និង ជាអគ្គលេខាធិការនៃអគ្គលេខាធិការដ្ឋាន អ.ស.ហ.។ សិក្ខាសាលានេះ ត្រូវបានរៀបចំឡើងក្នុងគោលបំណងស្វែងយល់អំពីការងារបរិវត្តកម្មឌីជីថលនៅតាមក្រសួង-ស្ថាប័ននិងអង្គភាពពាក់ព័ន្ធ និង ដើម្បីប្រមូលធាតុចូលជាគុណប្រយោជន៍ដល់ការរៀបចំ“សេចក្ដីព្រាងផែនការយុទ្ធសាស្រ្តបរិវត្តកម្មឌីជីថលក្នុងវិស័យហិរញ្ញវត្ថុមិនមែនធនាគារ ២០២៦-២០៣០” ឱ្យកាន់តែមានលក្ខណៈពេញលេញ គ្រប់ជ្រុងជ្រោយ និង អាចអនុវត្តបានសម្រាប់គ្រប់តួអង្គពាក់ព័ន្ធ។
សូមចុចអាន៖ https://www.facebook.com/share/p/18mA4auH2X/
រូបភាព 7 សន្លឹក
