ឯកឧត្ដមរដ្ឋមន្ត្រី ជា វ៉ាន់ដេត ដឹកនាំគណៈប្រតិភូក្រសួងជួបពិភាក្សាជាមួយធនាគារជាតិហ្សកហ្ស៊ី អំពីបរិវត្តកម្មឌីជីថល

ប៊ីលីស៊ី៖ មុននឹងត្រឡប់មកកម្ពុជាវិញ ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានបន្តដឹកនាំគណៈប្រតិភូក្រសួងជួបពិភាក្សាការងារជាមួយ លោកជំទាវ Ekaterine Galdava អភិបាលនៃធនាគារជាតិហ្សកហ្ស៊ី ដើម្បីពិភាក្សានិងផ្លាស់ប្ដូរបទពិសោធលើអន្តរកម្មរវាងបរិវត្តកម្មឌីជីថលនិងការទូទាត់ប្រាក់តាមមធ្យោបាយឌីជីថល។

គណៈប្រតិភូក្រសួងប្រៃសណីយ៍និងទូរគមនាគមន៍បានចែករំលែកពីបទពិសោធជោគជ័យនៃបរិវត្តកម្មឌីជីថលនៅកម្ពុជា ជាពិសេសតាមរយៈកិច្ចសហការរវាងក្រសួង ស្ថាប័នពាក់ព័ន្ធក្នុងការអនុវត្តប្រព័ន្ធឌីជីថលរួមគ្នា ជាអាទិ៍ការប្រើប្រាស់ប្រព័ន្ធទូទាត់ប្រាក់បាគងនិងថ្នាល verify.gov.kh រួមគ្នាដើម្បីសម្រួលការចាយវាយរបស់ភ្ញៀវទេសចរដែលទៅលេងនៅកម្ពុជា។ លើសពីនេះ គណៈប្រតិភូកម្ពុជាបានគូសរំលេចអំពីភាពជោគជ័យរបស់ប្រព័ន្ធទាំងពីរដែលជួយសម្រួលប្រតិបត្តិការឆ្លងប្រទេសបានប្រកបដោយទំនុកចិត្ត ជាមួយដៃគូសរុបប្រមាណ១០ប្រទេសនៅតំបន់អាស៊ី។

រូបភាព 1 សន្លឹក

លោកជំទាវ Ekaterine Galdava បានលើកឡើងអំពីកិច្ចសហការរវាងធនាគារជាតិហ្សកហ្ស៊ីនិងធនាគារជាតិនៃកម្ពុជានិងបានកោតសរសើរអំពីជោគជ័យរបស់កម្ពុជាលផ្នែកទូទាត់ប្រាក់ឌីជីថលនិងរដ្ឋាភិបាលឌីជីថល។ លោកជំទាវនិងសហការីបានពិភាក្សាផ្លាស់ប្ដូរយោបល់យ៉ាងស៊ីជម្រៅលើយុទ្ធសាស្ត្របច្ចេកទេសនានារបស់កម្ពុជា និងបានពិភាក្សាជាមួយភាគីកម្ពុជាអំពីលទ្ធភាពក្នុងការដាក់ឱ្យប្រើប្រាស់ថ្នាលបាគងនិងថ្នាល verify.gov.kh នៅប្រទេសហ្សកហ្ស៊ី។

សូមចុចអាន៖ https://www.facebook.com/share/p/1J9i7sj5ZM/