ថ្ងៃទី១២ មីនា ២០២៦

កិច្ចប្រជុំគម្រោង “ការកសាងភាពធន់សម្រាប់ប្រសិទ្ធភាព និងការគ្រប់គ្រងឌីជីថលនៅកម្ពុជា (BRIDGE) ”

ទីស្ដីការក្រសួង ៖ នាថ្ងៃព្រហស្បតិ៍ ទី១២ ខែមីនា ឆ្នាំ២០២៦ ឯកឧត្ដម នឹម សុធា អនុរដ្ឋលេខាធិការ ក្រសួងសាធារណការ និងដឹកជញ្ជូន ជួបប្រជុំដោយផ្ទាល់ និងតាមរយៈវីដេអូពីចម្ងាយជាមួយតំណាងធនាគារអភិវឌ្ឍន៍អាស៊ី(ADB) ដឹកនាំដោយលោកស្រី Carolyn Florey ដើម្បីពិភាក្សាលើគម្រោង “ការកសាងភាពធន់សម្រាប់ប្រសិទ្ធភាព និងការគ្រប់គ្រងឌីជីថលនៅកម្ពុជា-Building Resilience for Integrated Digital Governance and Efficiency in Cambodia (BRIDGE) ” ដោយមានការចូលរួមពីមន្ត្រីជំនាញពាក់ព័ន្ធរបស់ក្រសួង និង ADB។

កិច្ចប្រជុំនេះរៀបចំឡើងដើម្បីពិភាក្សាអំពីលទ្ធភាព ការផ្លាស់ប្តូរមតិយោបល់ និងការកំណត់អាទិភាព នៃការធ្វើសមាហរណកម្មឌីជីថល ក្របខណ្ឌរាជរដ្ឋាភិបាល និងការគាំទ្រផ្សេងៗ ដែល ADB អាចជួយបន្ថែមដល់ក្រសួង ក្នុងការអភិវឌ្ឍឌីជីថលក្នុងវិស័យសាធារណការ និងដឹកជញ្ជូន ក៏ដូចជារដ្ឋាភិបាល តាមរយៈការអភិវឌ្ឍរដ្ឋបាលឌីជីថលនៅកម្ពុជា៕