កិច្ចប្រជុំស្ដីពីការត្រៀមដាក់ឱ្យដំណើរការសាកល្បងប្រព័ន្ធវិក្កយបត្រឌីជីថល ដើម្បីជំរុញការផ្ដល់សេវាសាធារណៈជូនប្រជាពលរដ្ឋឱ្យកាន់តែប្រសើរ

ទីស្ដីការក្រសួង៖ នាព្រឹកថ្ងៃសុក្រ ទី២៧ ខែមីនា ឆ្នាំ២០២៦ ឯកឧត្តម នឹម សុធា អនុរដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំកិច្ចប្រជុំស្ដីពីការត្រៀមដាក់ឱ្យដំណើរការសាកល្បងប្រព័ន្ធវិក្កយបត្រឌីជីថល ដោយមានការចូលរួមថ្នាក់ដឹកនាំនៃអគ្គនាយកដ្ឋានជំនាញពាក់ព័ន្ធក្រោមឱវាទក្រសួង និងមន្ត្រីជាច្រើនរូបផងដែរ។

កិច្ចប្រជុំនេះ រៀបចំឡើងក្នុងគោលបំណងដើម្បីពិនិត្យ និងពិភាក្សាគ្នាលើការងារត្រៀមដាក់ឱ្យដំណើរការសាកល្បងប្រព័ន្ធវិក្កយបត្រឌីជីថល សម្រាប់ការផ្ដល់សេវាសាធារណៈ របស់ក្រសួងសាធារណការ និងដឹកជញ្ជូន ស្របតាមគោលនយោបាយ របស់រាជរដ្ឋាភិបាលក្នុងការជំរុញការផ្ដល់សេវាសាធារណៈ និងប្រមូលចំណូលពីសេវាសាធារណៈឱ្យកាន់តែប្រសើរ តាមរយៈការប្រើប្រាស់ប្រព័ន្ធបច្ចេកវិទ្យាដែលផ្ដល់ភាពងាយស្រួលក្នុងការគ្រប់គ្រង ត្រួតពិនិត្យតាមដាន ប្រព័ន្ធវិក្កយបត្រឌីជីថល ប្រកបដោយតម្លាភាព និងធានាបាននូវប្រសិទ្ធភាពខ្ពស់។

រូបភាព 3 សន្លឹក

ឯកឧត្តមអនុរដ្ឋលេខាធិការ បានណែនាំដល់ក្រុមការងារទាំងអស់ បន្តសហការគ្នា និងពិនិត្យតាមដានការអនុវត្តការងារនេះ សំដៅជំរុញការផ្ដល់សេវាសាធារណៈតាមរយៈប្រព័ន្ធវិក្កយបត្រឌីជីថល របស់ក្រសួងសាធារណការ និងដឹកជញ្ជូន ទទួលបានជោគជ័យ និងកាន់តែមានភាពល្អប្រសើរឡើងថែមទៀត។

សូមជំរាបជូនថា ការដាក់ឱ្យដំណើរការសាកល្បងប្រព័ន្ធវិក្កយបត្រឌីជីថល របស់ក្រសួងសាធារណការ និងដឹកជញ្ជូន និងប្រព្រឹត្តទៅនៅថ្ងៃទី១ ខែមេសា ឆ្នាំ២០២៦ ខាងមុខនេះ៕

សូមចុចអាន៖ https://www.facebook.com/share/p/1c3DM72xWs/