អនុវិទ្យាល័យ ហ៊ុន សែន រលួស ទទួលបានការបំពាក់បន្ទប់សិក្សាឌីជីថល និងប្រព័ន្ធទឹកស្អាត ក្រោមជំនួយពីសមាគម DIVA

សៀមរាប៖ នាថ្ងៃទី១៦ ខែកញ្ញា ឆ្នាំ២០២៦ ក្រោមការសម្របសម្រួលពីនាយកដ្ឋានបរិវត្តកម្មឌីជីថល ក្រសួងអប់រំ យុវជន និងកីឡា អនុវិទ្យាល័យ ហ៊ុន សែន រលួស ទទួលបានការបំពាក់បន្ទប់សិក្សាឌីជីថល និងប្រព័ន្ធទឹកស្អាត ដែលជាអំណោយគាំទ្រពីសមាគមអ្នកស្ម័គ្រចិត្តអន្តរជាតិ Daejin (Daejin International Volunteers Association ហៅកាត់ថា DIVA)។

បន្ទប់សិក្សាឌីជីថលថ្មីនេះ នឹងក្លាយជាទីតាំងបណ្តុះបណ្តាលដ៏សំខាន់ ក្នុងការជួយឱ្យសិស្សានុសិស្សទទួលបាននូវចំណេះដឹងផ្នែកឌីជីថល ដើម្បីឆ្លើយតបទៅនឹងការវិវត្តនៃបច្ចេកវិទ្យាឌីជីថលនាពេលបច្ចុប្បន្ន។ ទន្ទឹមនឹងនេះ ប្រព័ន្ធទឹកស្អាតដែលបានបំពាក់នៅក្នុងសាលា នឹងចូលរួមចំណែកយ៉ាងធំធេងក្នុងការរក្សាអនាម័យ និងលើកកម្ពស់សុខភាពរបស់លោកគ្រូ អ្នកគ្រូ ព្រមទាំងសិស្សានុសិស្សទាំងអស់។

+2

រូបភាព 7 សន្លឹក

សមិទ្ធផលនេះ គឺជាលទ្ធផលនៃកិច្ចសហការសម្របសម្រួលរវាងនាយកដ្ឋានបរិវត្តកម្មឌីជីថល និងសមាគម DIVA ក្នុងគោលបំណងចូលរួមលើកកម្ពស់ការអភិវឌ្ឍធនធានមនុស្ស និងបរិស្ថានសិក្សានៅកម្ពុជា៕

សូមចុចអាន៖ https://www.facebook.com/share/p/1BVKJr8T14/