ថ្ងៃទី២៦ សីហា ២០២៦
ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ អញ្ជើញចូលរួមកិច្ចប្រជុំពិភាក្សាលើការរៀបចំតភ្ជាប់ប្រព័ន្ធព្រឹត្តបត្រថ្កោលទោសឌីជីថល ជាមួយថ្នាលផ្លាស់ប្តូរទិន្នន័យកម្ពុជា(CamDX)
រាជធានីភ្នំពេញ៖ នៅរសៀលថ្ងៃពុធ ទី២៦ ខែសីហា ឆ្នាំ២០២៦ នាទីស្នាក់ការនៃគណៈកម្មាធិការសេដ្ឋកិច្ច និង ធុរកិច្ចឌីជីថល, ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ បានដឹកនាំប្រតិភូក្រសួងយុត្តិធម៌ ចូលរួមកិច្ចប្រជុំពិភាក្សាលើការរៀបចំតភ្ជាប់ប្រព័ន្ធព្រឹត្តបត្រថ្កោលទោសឌីជីថល ជាមួយថ្នាលផ្លាស់ប្តូរទិន្នន័យកម្ពុជា(CamDX) ជាមួយឯកឧត្តមបណ្ឌិត តាំង ងួនលី នាយកប្រតិបត្តិ នៃមជ្ឈមណ្ឌលបណ្ដុះធុរកិច្ចថ្មី “តេជោ” និង ជាអគ្គលេខាធិការរង នៃអគ្គលេខាធិការដ្ឋានគណៈកម្មាធិការសេដ្ឋកិច្ច និង ធុរកិច្ចឌីជីថល ។
កិច្ចប្រជុំនេះមានការអញ្ជើញចូលរួមពី ឯកឧត្តម ជាម សត្យា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកិច្ចការទោសព្រហ្មទណ្ឌ ក្រសួងយុត្តិធម៌ ព្រមទាំងមន្ត្រីជំនាញបច្ចេកទេសពាក់ព័ន្ធជាច្រើនរូបទៀត។
រូបភាព 5 សន្លឹក
កិច្ចប្រជុំនេះរៀបចំឡើងដើម្បីពិភាក្សាលើការរៀបចំតភ្ជាប់ប្រព័ន្ធព្រឹត្តបត្រថ្កោលទោសឌីជីថល ជាមួយថ្នាលផ្លាស់ប្តូរទិន្នន័យកម្ពុជា(CamDX) អោយបានមុនដំណាច់ខែកញ្ញាខាងមុខនេះ ក្នុងគោលបំណងផ្តល់ភាពងាយស្រួលដល់វិស័យធុរកិច្ចអាចស្នើសុំព្រឹត្តបត្រថ្កោលទោសនេះតាមរយៈថ្នាលផ្លាស់ប្តូរទិន្នន័យកម្ពុជា(CamDX)។
