ឯកឧត្តមអគ្គលេខាធិការរង ថោង សុពីមករា បានអញ្ជេីញចូលរួមកិច្ចប្រជុំពិភាក្សាជាមួយទីប្រឹក្សាច្បាប់និងទីប្រឹក្សាបច្ចេកទេសបារាំងនៃគម្រោងរបស់ Agence Francaise de Developpement (AFD)

រាជធានីភ្នំពេញ៖ នៅថ្ងៃទី២០ ខែមេសា ឆ្នាំ២០២៦ ឯកឧត្តម ថោង សុពីមករា អគ្គលេខាធិការរង នៃអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល (គ.រ.ឌ.) បានអញ្ជេីញចូលរួមកិច្ចប្រជុំពិភាក្សាជាមួយទីប្រឹក្សាច្បាប់និងទីប្រឹក្សាបច្ចេកទេសបារាំងនៃគម្រោងរបស់ Agence Francaise de Developpement (AFD) ដែលដឹកនាំដោយ ឯកឧត្តម គង់ ផល្លៈ រដ្ឋលេខាធិការក្រសួងប្រៃសណីយ៍និងទូរគមនាគមន៍ (ក.ប.ទ.)។ កិច្ចប្រជុំនេះមានការចូលរួមពីតំណាងក្រុមការងារនីតិកម្ម នៃអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល អគ្គនាយកដ្ឋានបច្ចេកវិទ្យាគមនាគមន៍និងព័ត៌មាន និងអគ្គនាយកដ្ឋានរដ្ឋបាល (នាយកដ្ឋាននីតិកម្ម) ព្រមទាំងក្រុមការងារ AFD តំណាងស្ថានទូតបារាំងប្រចាំកម្ពុជា និងតំណាង Expertise France នៅទីស្តីការក.ប.ទ. ។

🎯 គោលបំណងនៃកិច្ចប្រជុំនេះ គឺដើម្បីពិភាក្សាជាមួយទីប្រឹក្សាច្បាប់និងទីប្រឹក្សាបច្ចេកទេសបារាំងពាក់ព័ន្ធនឹងសេចក្តីព្រាងច្បាប់ចំនួន៣ គឺ៖ (១) សេចក្តីព្រាងច្បាប់ស្តីពីកិច្ចការពារទិន្នន័យបុគ្គល (២) សេចក្តីព្រាងច្បាប់ស្តីពីបច្ចេកវិទ្យាគមនាគមន៍និងព័ត៌មាន និង (៣) សេចក្តីព្រាងច្បាប់ស្តីពីរដ្ឋាភិបាលឌីជីថល ក្រោមគម្រោង របស់ Agence Francaise de Development (AFD)។

រូបភាព 3 សន្លឹក

សូមចុចអាន៖ https://www.facebook.com/share/p/1LVbbwUU1u/