ថ្ងៃទី២៨ ឧសភា ២០២៦
លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម អញ្ជើញចូលរួមជាអធិបតីក្នុងសិក្ខាសាលាស្ដីពីការតម្រង់ទិសដៅនៃរបត់ពាណិជ្ជកម្មឌីជីថល
(ភ្នំពេញ)៖ នាថ្ងៃពុធ ទី២៧ ខែឧសភា ឆ្នាំ២០២៦ នៅសណ្ឋាគារ Fairfield រាជធានីភ្នំពេញ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានអញ្ជើញចូលរួមជាអធិបតីក្នុងសិក្ខាសាលាស្ដីពីការតម្រង់ទិសដៅនៃរបត់ពាណិជ្ជកម្មឌីជីថល៖ កាលានុវត្តភាព និងការប្រឈមសម្រាប់ប្រព័ន្ធអេកូឡូស៊ីពាណិជ្ជកម្មឌីជីថលកម្ពុជា ដែលបានរៀបចំឡើងក្រោមកិច្ចសហការរវាងក្រសួងពាណិជ្ជកម្ម និងអង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍ ដោយមានការចូលរួមយ៉ាងសកម្មពីតំណាងក្រសួង-ស្ថាប័ន និងភាគីពាក់ព័ន្ធជាច្រើនរូប។
សិក្ខាសាលានេះ ត្រូវបានរៀបចំឡើងក្នុងគោលបំណង ដើម្បីបង្កើនការយល់ដឹងអំពីបរិបទ និងនិន្នាការនៃវិស័យពាណិជ្ជកម្មឌីជីថលទាំងក្នុងកម្រិតតំបន់ និងសកលលោក ទៅកាន់ក្រសួង-ស្ថាប័នរដ្ឋ និងតំណាងភាគីពាក់ព័ន្ធ ពិសេសក្នុងការផ្តល់នូវអនុសាសន៍មានសារៈសំខាន់ៗ ក្នុងបរិបទត្រៀមខ្លួនដោះស្រាយរាល់បញ្ហាប្រឈម ព្រមទាំងទាញយកកាលានុវត្តភាព និងប្រយោជន៍ដែលកើតចេញពីការអភិវឌ្ឍប្រព័ន្ធអេកូឡូស៊ីពាណិជ្ជកម្មឌីជីថលសម្រាប់កម្ពុជា។
រូបភាព 6 សន្លឹក
