
ថ្ងៃទី១៦ វិច្ឆិកា ២០២៦
លោកជំទាវរដ្ឋមន្ត្រី អ៊ឹង កន្ថាផាវី និងឯកឧត្តមរដ្ឋមន្ត្រី ជា វ៉ាន់ដេត បានអញ្ជើញជាអធិបតីដ៏ខ្ពង់ខ្ពស់ក្នុងពិធីបិទហ្វ្រង់កូតិច ២០២៦
រាជធានីភ្នំពេញ៖ នៅរសៀលថ្ងៃទី១៦ ខែវិច្ឆិកា ឆ្នាំ២០២៦ លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ (ក.ប.ទ.) សហប្រធានរៀបចំព្រឹត្តិការណ៍ហ្វ្រង់កូតិច បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទព្រឹត្តិការណ៍ហ្វ្រង់កូតិច ២០២៦ ដែលត្រូវបានរៀបចំឡើងក្រោមមូលបទ «សហគមន៍ហ្វ្រង់កូហ្វូនីតែមួយ អនាគតឌីជីថលតែមួយ» (One Francophone Community, One Digital Future)។
ព្រឹត្តការណ៍ហ្វ្រង់កូតិចឆ្នាំនេះ ទទួលបានអ្នកចូលរួមប្រមាណជាង ៤ម៉ឺននាក់ មកពី ១១៥ប្រទេស។ ព្រឹត្តិការណ៍ហ្វ្រង់កូតិច ក៏មានរៀបចំកម្មវិធីសំខាន់ៗជាច្រើន រួមមាន ពិព័រណ៍បច្ចេកវិទ្យា និងនវានុវត្តន៍ដែលមានការចូលរួមពីក្រុមហ៊ុនបច្ចេកវិទ្យា ធុរកិច្ចថ្មីឌីជីថល និងស្ថាប័នសរុបចំនួន ៣១៦ និងកម្មវិធីប្រកួតប្រជែងនវានុវត្តន៍ឌីជីថល បានទទួលការដាក់ពាក្យពីធុរកិច្ចថ្មីឌីជីថលសរុប ៣៨១ មកពី ២៧ប្រទេស ព្រមទាំងវេទិកាពិភាក្សាលើប្រធានបទចំនួន ៧ ដោយវាគ្មិន និងអ្នកសម្របសម្រួលជាតិ និងអន្តរជាតិសរុប ៦៤រូប មកពី ១៥ប្រទេស។





រូបភាព 9 សន្លឹក
មុននឹងបញ្ចប់ លោកជំទាវរដ្ឋមន្ត្រី និងឯកឧត្តមរដ្ឋមន្ត្រី បានថ្លែងអំណរគុណដល់ក្រសួង ស្ថាប័នជាដៃគូ ក្រុមហ៊ុន ម្ចាស់ឧបត្ថម្ភ ដៃគូសារព័ត៌មានជាតិ និង TV5 Monde ព្រមទាំងបានកោតសរសើរ និងវាយតម្លៃខ្ពស់ចំពោះថ្នាក់ដឹកនាំនិងមន្ត្រីពាក់ព័ន្ធនៃក្រសួងកិច្ចការនារី និង ក.ប.ទ. អគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល បណ្ឌិត្យសភាបច្ចេកវិទ្យាឌីជីថលកម្ពុជាដែលបានខិតខំរៀបចំព្រឹត្តិការណ៍នេះដោយជោគជ័យគួរជាទីមោទនៈ។
សូមចុចអាន៖ https://www.facebook.com/share/p/1Cfe9Pw5gH/






