
ថ្ងៃទី១៦ វិច្ឆិកា ២០២៦
ឯកឧត្ដមរដ្ឋមន្ត្រី ជា វ៉ាន់ដេត និង ឯកឧត្ដមឯកអគ្គរដ្ឋទូតអាម៉េរិក Christopher Anderson បានជួបប្រជុំទ្វេភាគីនិងចុះហត្ថលេខាលើសេចក្ដីថ្លែងការណ៍រួមស្ដីពីភាពជាដៃគូឱកាសបញ្ញាសិប្បនិម្មិត
រាជធានីភ្នំពេញ៖ នៅថ្ងៃទី១៦ ខែវិច្ឆិកា ឆ្នាំ២០២៦ ក្នុងឱកាសព្រឹត្តិការណ៍ហ្វ្រង់កូតិច ឆ្នាំ២០២៦ ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានជួបពិភាក្សាទ្វេភាគីជាមួយ ឯកឧត្ដម Christopher Anderson ឯកអគ្គរដ្ឋទូតសហរដ្ឋអាមេរិកប្រចាំកម្ពុជា។
នៅក្នុងជំនួបនេះ ឯកឧត្ដមរដ្ឋមន្ត្រី បានស្វាគមន៍យ៉ាងកក់ក្ដៅចំពោះឯកឧត្ដមឯកអគ្គរដ្ឋទូត និងបានពិភាក្សាអំពីវឌ្ឍនភាពនៃកិច្ចសហប្រតិបត្តិការឌីជីថលរវាងកម្ពុជានិងសហរដ្ឋអាមេរិក។



រូបភាព 3 សន្លឹក
ជាមួយគ្នានេះដែរ ឯកឧត្ដមរដ្ឋមន្ត្រី និងឯកឧត្ដមឯកអគ្គរដ្ឋទូត បានចុះហត្ថលេខាលើសេចក្ដីថ្លែងការណ៍រួមស្ដីពីភាពជាដៃគូឱកាសបញ្ញាសិប្បនិម្មិត ដែលជាការពង្រឹងកិច្ចសហប្រតិបត្តិការឌីជីថលកម្ពុជា-អាម៉េរិក និងបង្ហាញអំពីបំណងរបស់កម្ពុជាក្នុងការពង្រឹងកិច្ចសហការជាមួយគ្រប់ដៃគូប្រកបដោយបរិយាបន្ន។
សូមចុចអាន៖ https://www.facebook.com/share/p/1cY2GRcJzg/






