ថ្ងៃទី៩ មេសា ២០២៦
ឯកឧត្តម រ័ត្ន សុវណ្ណនរៈ ទេសាភិបាលរង ធនាគារជាតិនៃកម្ពុជា បានអនុញ្ញាតឱ្យក្រុមបេសកកម្មរបស់ ធនាគារពិភពលោក (WB) ដឹកនាំដោយលោក Harish Natarajan អ្នកជំនាញផ្នែកបរិយាបន្នហិរញ្ញវត្ថុរបស់ WB ចូលជួបសម្តែងការគួរសម និងពិភាក្សាការងារ នាថ្ងៃទី៦ ខែមេសា ឆ្នាំ២០២៦ នៅធនាគារជាតិនៃកម្ពុជា អគារសែនសុខ។
ឯកឧត្តម រ័ត្ន សុវណ្ណនរៈ ទេសាភិបាលរង ធនាគារជាតិនៃកម្ពុជា បានអនុញ្ញាតឱ្យក្រុមបេសកកម្មរបស់ ធនាគារពិភពលោក (WB) ដឹកនាំដោយលោក Harish Natarajan អ្នកជំនាញផ្នែកបរិយាបន្នហិរញ្ញវត្ថុរបស់ WB ចូលជួបសម្តែងការគួរសម និងពិភាក្សាការងារ នាថ្ងៃទី៦ ខែមេសា ឆ្នាំ២០២៦ នៅធនាគារជាតិនៃកម្ពុជា អគារសែនសុខ។
ក្នុងជំនួបនោះ ឯកឧត្តម ទេសាភិបាលរង និង លោក Harish Natarajan បានផ្លាស់ប្តូរទស្សនាទានលើប្រធានបទសំខាន់ៗមួយចំនួនពាក់ព័ន្ធនឹងការវិវត្តនៃបច្ចេកវិទ្យាហិរញ្ញវត្ថុ ចំណេះដឹងហិរញ្ញវត្ថុឌីជីថល និងវឌ្ឍនភាពនៃការរៀបចំសេចក្តីព្រាងផែនទីមគ្គុទេសក៍អភិវឌ្ឍបច្ចេកវិទ្យាហិរញ្ញវត្ថុ (Fintech Development Roadmap - FDR) ជាដើម។
រូបភាព 4 សន្លឹក
បន្ទាប់ពីជំនួបសម្តែងការគួរសមជាមួយឯកឧត្តម ទេសាភិបាលរង ក្រុមបេសកកម្មរបស់ធនាគារពិភពលោក ក៏បានបន្តជួបជាមួយក្រុមមន្រ្តីជំនាញរបស់ធនាគារជាតិនៃកម្ពុជា ដើម្បីពិភាក្សាអំពីការកំណត់ការវាស់វែងកម្រិតបរិយាបន្នហិរញ្ញវត្ថុ ចំណេះដឹងហិរញ្ញវត្ថុឌីជីថល និងបចេ្ចកវិទ្យាហិរញ្ញវត្ថុ ព្រមទាំងការតាមដាននូវវឌ្ឍនភាពយុទ្ធសាស្ត្រជាតិស្តីពីបរិយាបន្នហិរញ្ញវត្ថុ (NFIS) ឆ្នាំ ២០២៥-២០៣០ ផងដែរ។
សូមចុចអាន៖ https://www.facebook.com/share/p/18FNzbbNrR/
