ឯកឧត្តម គង់ ភោគ រដ្ឋលេខាធិការ និងជាឧត្តមមន្ត្រីអាស៊ានរបស់កម្ពុជា បានអញ្ជើញចូលរួមកិច្ចប្រជុំឧត្តមមន្ត្រីអាស៊ាន-ចក្រភពអង់គ្លេសលើកទី៥ នៅ West Sussex ចក្រភពអង់គ្លេស

នៅថ្ងៃទី៣១ ខែមីនា ឆ្នាំ២០២៦ ឯកឧត្តម គង់ ភោគ រដ្ឋលេខាធិការ និងជាឧត្តមមន្ត្រីអាស៊ានរបស់កម្ពុជា បានអញ្ជើញចូលរួមកិច្ចប្រជុំឧត្តមមន្ត្រីអាស៊ាន-ចក្រភពអង់គ្លេសលើកទី៥ នៅ West Sussex ចក្រភពអង់គ្លេស។

កិច្ចប្រជុំបានស្វាគមន៍ចំពោះវឌ្ឍនភាពក្នុងការអនុវត្តផែនការសកម្មភាពនៃភាពជាដៃគូសន្ទនាអាស៊ាន-ចក្រភពអង់គ្លេស (២០២២-២០២៦) និងបានពិភាក្សាអំពីកិច្ចសហប្រតិបត្តិការលើវិស័យអាទិភាពសំខាន់ៗ រួមមាន៖ បរិវត្តកម្មឌីជីថល និងបៃតង ពាណិជ្ជកម្ម និងវិនិយោគ ការតភ្ជាប់អាស៊ាន សមាហរណកម្មអាស៊ាន ការអភិវឌ្ឍធនធានមនុស្ស និងកិច្ចសហប្រតិបត្តិការប្រឆាំងឧក្រិដ្ឋកម្មឆ្លងដែន ជាពិសេសដើម្បីត្រៀមរៀបចំផែនការសកម្មភាពបន្ទាប់ សម្រាប់ឆ្នាំ២០២៧-២០៣១។ កិច្ចប្រជុំក៏បានផ្លាស់ប្តូរយោបល់លើបញ្ហាក្នុងតំបន់ និងអន្តរជាតិដែលជាប្រយោជន៍ និងកង្វល់រួម ក៏ដូចជាការរៀបចំរំលឹកខួបលើកទី៥ នៃភាពជាដៃគូសន្ទនាអាស៊ាន–ចក្រភពអង់គ្លេស នៅឆ្នាំ២០២៦នេះផងដែរ។

រូបភាព 3 សន្លឹក

សូមចុចអាន៖ https://www.facebook.com/share/p/1J967VKtHU/