ថ្ងៃទី១៣ មិថុនា ២០២៦
ក្រសួងឧស្សាហកម្ម និងគណៈប្រតិភូធុរកិច្ចបច្ចេកវិទ្យាអឺរ៉ុប ពិភាក្សាកិច្ចសហប្រតិបត្តិការលើការប្រើប្រាស់បច្ចេកវិទ្យា AI និងនវានុវត្តន៍ឧស្សាហកម្ម
រាជធានីភ្នំពេញ ថ្ងៃទី៩ ខែមិថុនា ឆ្នាំ២០២៦៖ ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលជួបគណៈប្រតិភូធុរកិច្ចបច្ចេកវិទ្យាអឺរ៉ុប និងបានពិភាក្សាកិច្ចសហការលើបច្ចេកវិទ្យាសម្រាប់ឧស្សាហកម្ម ការប្រើប្រាស់បញ្ញាសិប្បនិម្មិត (AI) ការផ្ទេរបច្ចេកវិទ្យា និងការចាប់យកឧស្សាហកម្ម ៤.០ ក្នុងគោលបំណងគាំទ្រដល់ការធ្វើទំនើបកម្មឧស្សាហកម្ម និងការពង្រឹងសមត្ថភាពប្រកួតប្រជែងរបស់កម្ពុជា។
គណៈប្រតិភូមានតំណាងមកពីក្រុមហ៊ុន និងស្ថាប័នអឺរ៉ុបដែលមានជំនាញលើការបណ្តុះបណ្តាលផ្នែក AI សេវាឌីជីថល សន្តិសុខសាយប័រ ថាមពលកកើតឡើងវិញ ហេដ្ឋារចនាសម្ព័ន្ធឆ្លាតវៃ ការគ្រប់គ្រងសំណល់ លិខិតឆ្លងដែនឌីជីថលសម្រាប់ផលិតផល (Digital Product Passport) និងក្រុមហ៊ុនប្រឹក្សាយោបល់ផ្នែកបច្ចេកវិទ្យា។ ភាគីអឺរ៉ុបបានបង្ហាញចំណាប់អារម្មណ៍ក្នុងការស្វែងរកឱកាសវិនិយោគ ធុរកិច្ច និងភាពជាដៃគូនៅក្នុងប្រព័ន្ធអេកូឡូស៊ីបច្ចេកវិទ្យា និងនវានុវត្តន៍ដែលកំពុងរីកចម្រើនរបស់កម្ពុជា។
រូបភាព 12 សន្លឹក
សូមចុចអាន៖ https://www.facebook.com/share/p/18fzZXDgfK/
