គណៈកម្មាធិការសេដ្ឋកិច្ច និងធុរកិច្ចឌីជីថល បានរៀបចំកម្មវិធីបណ្ដុះបណ្ដាលស្ដីពី «ការអភិវឌ្ឍជំនាញ៖ ការរៀបចំយុទ្ធសាស្ត្រទីផ្សារសម្រាប់ធុរកិច្ចក្នុងសម័យឌីជីថល»

នាព្រឹកថ្ងៃទី ៦ ខែសីហា ឆ្នាំ២០២៦ គណៈកម្មាធិការសេដ្ឋកិច្ច និងធុរកិច្ចឌីជីថល បានរៀបចំកម្មវិធីបណ្ដុះបណ្ដាលស្ដីពី «ការអភិវឌ្ឍជំនាញ៖ ការរៀបចំយុទ្ធសាស្ត្រទីផ្សារសម្រាប់ធុរកិច្ចក្នុងសម័យឌីជីថល» ដែលបានសិក្សាលើប្រធានបទ «ជំរុញការធ្វើទីផ្សារសម្រាប់អាជីវកម្មតាមរយៈបណ្តាញសង្គម» ដោយមានលោក ហ៊ួត សុធារ៉ា អ្នកប្រឹក្សាយុទ្ធសាស្ត្រទីផ្សារឌីជីថល ជាគ្រូបណ្តុះបណ្តាល។

កម្មវិធីបណ្ដុះបណ្ដាលនេះ ទទួលបានការចូលរួមយ៉ាងសកម្មពីសិក្ខាកាម ដែលបានចូលរួមពិភាក្សា ផ្លាស់ប្តូរបទពិសោធន៍ និងលើកឡើងនូវសំណួរជាច្រើនទាក់ទងនឹងការអនុវត្តយុទ្ធសាស្ត្រទីផ្សារឌីជីថលក្នុងអាជីវកម្មជាក់ស្តែង។ រាល់សំណួរទាំងនោះត្រូវបានឆ្លើយបកស្រាយយ៉ាងលម្អិតដោយគ្រូបណ្តុះបណ្តាល ដោយផ្តល់នូវចំណេះដឹងថ្មីៗ គន្លឹះអនុវត្តជាក់ស្តែង និងដំណោះស្រាយដែលអាចយកទៅប្រើប្រាស់ក្នុងអាជីវកម្មបានប្រកបដោយប្រសិទ្ធភាព។ បរិយាកាសសិក្សាពោរពេញដោយការចូលរួម សហការ និងការផ្លាស់ប្តូរគំនិត ដែលបានជួយពង្រឹងការយល់ដឹង និងបង្កើនទំនុកចិត្តរបស់សិក្ខាកាមក្នុងការអនុវត្តការធ្វើទីផ្សារតាមប្រព័ន្ធឌីជីថល។

រូបភាព 3 សន្លឹក

សូមចុចអាន៖ https://www.facebook.com/share/p/1ENoCQtUg4/