ថ្ងៃទី២២ មិថុនា ២០២៦
សិក្ខាសាលាស្ដីពី «ការបណ្ដុះបណ្ដាលគ្រូជំនួយនៅតាមវិទ្យាល័យគោលដៅ សម្រាប់កម្មវិធីពន្លឿន និងការប្រើប្រាស់ប្រព័ន្ធគ្រប់គ្រងការសិក្សា នៅមហាវិទ្យាល័យសេដ្ឋកិច្ចបច្ចេកវិទ្យាឌីជីថល នៃសាកលវិទ្យាល័យជាតិគ្រប់គ្រង»
ខេត្តបាត់ដំបង៖ នាថ្ងៃទី២២ ដល់ថ្ងៃទី២៣ ខែមិថុនា ឆ្នាំ២០២៦ ក្រសួងអប់រំ យុវជន និងកីឡា សហការជាមួយធនាគារអភិវឌ្ឍន៍អាស៊ី ក្រោមគម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC) បានរៀបចំសិក្ខាសាលាស្ដីពី «ការបណ្ដុះបណ្ដាលគ្រូជំនួយនៅតាមវិទ្យាល័យគោលដៅ សម្រាប់កម្មវិធីពន្លឿន និងការប្រើប្រាស់ប្រព័ន្ធគ្រប់គ្រងការសិក្សា នៅមហាវិទ្យាល័យសេដ្ឋកិច្ចបច្ចេកវិទ្យាឌីជីថល នៃសាកលវិទ្យាល័យជាតិគ្រប់គ្រង» ដែលប្រព្រឹត្តទៅនៅសាកលវិទ្យាល័យជាតិបាត់ដំបង ខេត្តបាត់ដំបង ក្រោមអធិបតីភាព លោក យូ វីរៈ អគ្គនាយករងនៃអគ្គនាយកដ្ឋានឧត្តមសិក្សា និងជាតំណាងដ៏ខ្ពង់ខ្ពស់របស់ ឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា និងជានាយកគម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC)។
សិក្ខាសាលានេះមានគោលបំណងបណ្ដុះបណ្ដាលគ្រូជំនួយនៅតាមវិទ្យាល័យគោលដៅចំនួន ៨វិទ្យាល័យ ចំណុះឱ្យខេត្តចំនួន ៨ រួមមាន៖ ខេត្តព្រះវិហារ ខេត្តឧត្តរមានជ័យ ខេត្តបន្ទាយមានជ័យ ខេត្តប៉ៃលិន ខេត្តកំពង់ឆ្នាំង ខេត្តពោធិសាត់ ខេត្តសៀមរាប ខេត្តកំពង់ធំ ដើម្បីជួយសម្រួលដល់សិស្សានុសិស្សក្នុងការប្រើប្រាស់ប្រព័ន្ធគ្រប់គ្រងការសិក្សា (LMS Platform) សម្រាប់មុខវិជ្ជាសេដ្ឋកិច្ចឌីជីថល និងគណិតវិទ្យាអនុវត្តន៍៕
រូបភាព 6 សន្លឹក
