ពិព័រណ៍បច្ចេកវិទ្យា និងស្ទែម (STEM) ដើម្បីលើកកម្ពស់ការអប់រំឌីជីថល និងការចូលរួមរបស់កុមារី នៅសាលាបឋមសិក្សាវត្តរាជបូណ៌ ខេត្តសៀមរាប

សៀមរាប៖ នាព្រឹកថ្ងៃទី៣០ ខែឧសភា ឆ្នាំ២០២៦ សាលាបឋមសិក្សាវត្តរាជបូណ៌ ខេត្តសៀមរាប បានរៀបចំ «កម្មវិធីពិព័រណ៍បច្ចេកវិទ្យា និងស្ទែម (STEM)» ក្រោមការអញ្ជើញចូលរួមពីសំណាក់ តំណាងមន្ទីរអប់រំ យុវជន និងកីឡាខេត្តសៀមរាប លោកប្រធានការិយាល័យ លោកនាយកសាលា លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។

កម្មវិធីនេះរៀបចំឡើងក្នុងគោលបំណងធំៗ ចំនួន៤ រួមមាន៖

+9

រូបភាព 14 សន្លឹក

១)បង្ហាញពីការបញ្ចូលបច្ចេកវិទ្យាទៅក្នុងការបង្រៀន និងការសិក្សាក្នុងសតវត្សទី២១

២)ជំរុញស្ទែម (STEM) ក្នុងការគិតវិភាគ ការច្នៃប្រឌិត និងការបង្កើតអ្វីថ្មីៗរបស់សិស្ស ផ្ដោតលើវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា

៣)លើកកម្ពស់ការចូលរួមរបស់កុមារីក្នុងវិស័យបច្ចេកវិទ្យា តាមរយៈកម្មវិធីបច្ចេកវិទ្យា និងសហគ្រិនភាព (Technovation Girls) កម្មវិធីអបើរំបង្កើតហ្គេម (Game Changers Coalition - GCC) កម្មវិធីការគិតបែបកុំព្យូទ័រ និងការបង្កើតគំរូស្ទែម

៤)ចែករំលែកគម្រោងឌីជីថល និងស្ទែម ដែលជាស្នាដៃរបស់សិស្សានុសិស្សតាមកម្រិតថ្នាក់នីមួយៗ។

នៅក្នុងកម្មវិធីនេះ ក៏មានការឡើងធ្វើបទបង្ហាញយ៉ាងគួរឱ្យកោតសរសើរពីសំណាក់សិស្សានុសិស្ស ដែលបានបង្ហាញពីគម្រោងបច្ចេកវិទ្យា និងសមិទ្ធផលរបស់ពួកគេជាក់ស្ដែង ដូចជា៖

ការបង្ហាញពីកម្មវិធី PLP ដោយសិស្សថ្នាក់ទី២ ព្រមទាំងការដើរទស្សនាស្តង់ពិព័រណ៍ជាច្រើនទៀតពីសំណាក់គណៈអធិបតី និងអ្នកចូលរួម។

ជារួម កម្មវិធីពិព័រណ៍នេះបានបង្ហាញយ៉ាងច្បាស់ពីស្នាដៃ និងគម្រោងបច្ចេកវិទ្យារបស់សិស្ស ដែលចូលរួមចំណែកយ៉ាងសកម្មក្នុងការលើកកម្ពស់ការសិក្សាផ្នែកឌីជីថល ការច្នៃប្រឌិត និងជំនាញ STEM ស្របតាមគោលនយោបាយបដិវត្តកម្មឌីជីថលរបស់រាជរដ្ឋាភិបាល។ កម្មវិធីនេះបានប្រព្រឹត្តទៅដោយរលូន និងទទួលបានលទ្ធផលផ្លែផ្កាយ៉ាងល្អប្រសើរ៕

សូមចុចអាន៖ https://www.facebook.com/share/p/18kRFXAgND/