ថ្ងៃទី២៤ មិថុនា ២០២៦
ពិធីផ្សព្វផ្សាយស្ដីពី «ការប្រើប្រាស់បញ្ញាសិប្បនិម្មិត (AI) និងវិធីសាស្ត្របង្រៀនថ្មី»
ខេត្តស្វាយរៀង៖ នាព្រឹកថ្ងៃទី២២ ខែមិថុនា ឆ្នាំ២០២៦ លោក ខៀវ សំអុល ប្រធានមន្ទីរអប់រំ យុវជន និងកីឡាខេត្តស្វាយរៀង បានអញ្ជើញចូលរួមជាអធិបតីក្នុងពិធីផ្សព្វផ្សាយស្ដីពី «ការប្រើប្រាស់បញ្ញាសិប្បនិម្មិត (AI) និងវិធីសាស្ត្របង្រៀនថ្មី» ដោយមានការចូលរួមពី ប្រធាន អនុប្រធានការិយាល័យមធ្យមសិក្សាចំណេះទូទៅ ប្រធានការិយាល័យប្រឡង នាយក នាយិកាសាលារៀន និងគ្រូបង្គោល ICT នៃគ្រឹះស្ថានមធ្យមសិក្សាចំនួន ៧៤សាលា សរុបចំនួន ១៦០នាក់។
ក្នុងឱកាសនោះ លោកប្រធានមន្ទីរ បានលើកឡើងពីសារៈសំខាន់នៃការប្រើប្រាស់បច្ចេកវិទ្យាបញ្ញាសិប្បនិម្មិត (AI) ក្នុងវិស័យអប់រំ ដែលអាចជួយគាំទ្រដល់៖
រូបភាព 6 សន្លឹក
• ការរៀបចំមេរៀន
• ការបង្កើតសម្ភារសិក្សា
• ការវាយតម្លៃលទ្ធផលសិក្សា
• ការអភិវឌ្ឍវិធីសាស្ត្របង្រៀនឱ្យកាន់តែមានប្រសិទ្ធភាព និងទាក់ទាញសិស្សានុសិស្ស។
ទន្ទឹមនឹងនេះ លោកប្រធានមន្ទីរក៏បានជំរុញឱ្យគ្រូបង្រៀនទាំងអស់បន្តសិក្សាស្វែងយល់ និងប្រើប្រាស់បច្ចេកវិទ្យាថ្មីៗប្រកបដោយការទទួលខុសត្រូវ សីលធម៌ និងប្រសិទ្ធភាពខ្ពស់ ដើម្បីលើកកម្ពស់គុណភាពអប់រំនៅក្នុងខេត្ត និងទូទាំងប្រទេស៕
សូមចុចអាន៖ https://www.facebook.com/share/p/178CMAeP91/
