ថ្ងៃទី៣០ មេសា ២០២៦
ក្រុមហ៊ុន iSoftStone ស្វែងរកឱកាសវិនិយោគលើដំណោះស្រាយបច្ចេកវិទ្យាឆ្លាតវៃសម្រាប់ឧស្សាហកម្ម និងវិស័យទឹកស្អាតនៅកម្ពុជា
រាជធានីភ្នំពេញ ថ្ងៃទី៣០ ខែមេសា ឆ្នាំ២០២៦ — ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលជួបគណៈប្រតិភូធុរកិច្ចមកពីក្រុមហ៊ុន iSoftStone Information Technology ដែលកំពុងស្វែងរកឱកាសវិនិយោគនៅកម្ពុជា លើដំណោះស្រាយប្រព័ន្ធផលិតកម្ម ប្រព័ន្ធផ្គត់ផ្គង់ទឹកស្អាត និងការគ្រប់គ្រងទឹកជំនន់ឆ្លាតវៃ។
ក្នុងជំនួបនេះ គណៈប្រតិភូបានបង្ហាញសមត្ថភាពរបស់ iSoftStone ជាក្រុមហ៊ុនផ្តល់ដំណោះស្រាយពេញលេញ (full-stack) លើផ្នែកសូហ្វវែរ ហាតវែរ និងសេវាកម្មឌីជីថល ដែលមានប្រតិបត្តិការនៅក្នុង ១៥ ប្រទេស និងមានបទពិសោធន៍ក្នុងវិស័យជាច្រើន រួមមានដំណោះស្រាយផ្នែកផលិតកម្ម ហិរញ្ញវត្ថុ ទូរគមនាគមន៍ និងសេវាកម្មសម្រាប់រដ្ឋាភិបាល។
+1
រូបភាព 6 សន្លឹក
សូមចុចអាន៖ https://www.facebook.com/share/p/1Ba6gfvrkP/
