ថ្ងៃទី៣១ កក្កដា ២០២៦
"វេទិកាថ្នាក់ជាតិស្តីពីហិរញ្ញប្បទានសម្រាប់ធុរកិច្ច ឆ្នាំ២០២៦"
រាជធានីភ្នំពេញ៖ ឯកឧត្តមបណ្ឌិត គង់ ម៉ារី រដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និង ជាអគ្គលេខាធិការនៃអគ្គលេខាធិការដ្ឋានគណៈកម្មាធិការសេដ្ឋកិច្ច និង ធុរកិច្ចឌីជីថល បានអញ្ជើញថ្លែងសុន្ទរកថាស្វាគមន៍ ក្នុង "វេទិកាថ្នាក់ជាតិស្តីពីហិរញ្ញប្បទានសម្រាប់ធុរកិច្ច ឆ្នាំ២០២៦" ដែលរៀបចំឡើងនៅសណ្ឋាគារ រ៉េស៊ីដង់ សុខាភ្នំពេញ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ។
វេទិកាថ្នាក់ជាតិនេះ ត្រូវបានរៀបចំឡើងក្នុងគោលបំណងផ្សព្វផ្សាយអំពីយន្តការគាំទ្ររបស់រាជរដ្ឋាភិបាល សម្រាប់ការលើកកម្ពស់ការទទួលបានហិរញ្ញប្បទានរបស់សហគ្រាសធុនមីក្រូ តូច និងមធ្យម (MSMEs) ព្រមទាំងជំរុញការអភិវឌ្ឍប្រព័ន្ធអេកូឡូស៊ីហិរញ្ញប្បទានដែលមានភាពរឹងមាំ បរិយាបន្ន និង ប្រកបដោយចីរភាព។
រូបភាព 6 សន្លឹក
ជាមួយគ្នានេះ វេទិកាបានក្លាយជាវេទិកាដ៏មានសារៈសំខាន់សម្រាប់ការផ្លាស់ប្តូរទស្សនៈ បទពិសោធន៍ និងការពង្រឹងកិច្ចសហប្រតិបត្តិការរវាងក្រសួង-ស្ថាប័នរដ្ឋ វិស័យឯកជន គ្រឹះស្ថានហិរញ្ញវត្ថុ ដៃគូអភិវឌ្ឍន៍ និង សមាគមធុរកិច្ច ដើម្បីរួមចំណែកជំរុញការអភិវឌ្ឍសហគ្រាស និងលើកកម្ពស់ការប្រកួតប្រជែងនៃសេដ្ឋកិច្ចកម្ពុជា ក្នុងបរិបទនៃការធ្វើបរិវត្តកម្មឌីជីថល និង សេដ្ឋកិច្ចឌីជីថល។
សូមចុចអាន៖ https://www.facebook.com/share/p/1FSbtTNqmm/
