🔷 លទ្ធផល និងសកម្មភាពខ្លះៗនៃសិក្ខាសាលាស្តីពីកិច្ចសហប្រតិបត្តិការលើការដាក់ឱ្យប្រើប្រាស់ថ្នាលផ្ទៀងផ្ទាត់ឯកសារ Verify.gov៖ ការចែករំលែកបទពិសោធ និងកសាងសមត្ថភាពរួមគ្នា

រាជធានីភ្នំពេញ៖ ចាប់តាំងពីថ្ងៃទី១៧ ដល់ថ្ងៃទី២១ ខែសីហា ឆ្នាំ២០២៦ មន្ត្រីបច្ចេកទេសនៃអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល (គ.រ.ឌ.) និងគណៈប្រតិភូពី ក្រសួងដឹកជញ្ជូននិងសារគមនាគមន៍ និងក្រសួងអប់រំ នៃសាធារណរដ្ឋប្រជាធិបតេយ្យទីម័រឡេស្ដេ បានចែករំលែកបទពិសោធនិងកសាងសមត្ថភាពរួមគ្នាលើការងារបច្ចេកទេសនៃការអភិវឌ្ឍ និងដាក់ឱ្យប្រើប្រាស់ថ្នាលផ្ទៀងផ្ទាត់ឯកសារ verify.gov.tl លើវិញ្ញាបនបត្រអប់រំ នៅសាធារណរដ្ឋប្រជាធិបតេយ្យទីម័រឡេស្ដេ ដោយមានការអញ្ជើញចូលរួមពី ឯកឧត្តម អគ្គលេខាធិការរង និងលោក លោកស្រី មន្ត្រីបច្ចេកទេស នៃអគ្គលេខាធិការដ្ឋាន គ.រ.ឌ. សរុបប្រមាណ ២៥នាក់។

ឆ្លៀតក្នុងឱកាសនេះ គណៈប្រតិភូពីសាធារណរដ្ឋប្រជាធិបតេយ្យទីម័រឡេស្ដេ ក៏បានអញ្ជើញធ្វើទស្សនកិច្ចសិក្សាផ្ទាល់នៅសាកលវិទ្យាល័យអាមេរិកាំងភ្នំពេញ និងបណ្ឌិត្យសភាបច្ចេកវិទ្យាឌីជីថលកម្ពុជា ដើម្បីសង្កេតនិងស្វែងយល់ឱ្យកាន់តែស៊ីជម្រៅអំពីករណីប្រើប្រាស់ (use case) នៃការដាក់ឱ្យប្រើប្រាស់ថ្នាល verify.gov.kh នៅលើវិញ្ញាបនបត្រអប់រំនៅកម្ពុជា។

+6

រូបភាព 11 សន្លឹក

ជាលទ្ធផលនៃសិក្ខាសាលារយៈពេល ៥ថ្ងៃ កន្លងទៅនេះ មន្ត្រីបច្ចេកទេសនៃអគ្គលេខាធិការដ្ឋាន គ.រ.ឌ. បានធ្វើបទបង្ហាញកម្រិតបច្ចេកទេសនិងចែករំលែកបទពិសោធពាក់ព័ន្ធនឹងការអភិវឌ្ឍនិងការដាក់ឱ្យប្រើប្រាស់ថ្នាលនិងកម្មវិធីរដ្ឋាភិបាលឌីជីថល ដូចមានជាអាទិ៍ ថ្នាលផ្ទៀងផ្ទាត់ឯកសារ Verify និងថ្នាល DG SuperApp។ លើសពីនេះទៅទៀត សិក្ខាសាលានេះបានផ្ទេរចំណេះដឹង និងបទពិសោធជាក់ស្តែងដល់គណៈប្រតិភូនៃក្រសួងទាំង២ នៃសាធារណរដ្ឋប្រជាធិបតេយ្យទីម័រឡេស្តេ ដើម្បីគាំទ្រដល់ការធ្វើសមាហរណកម្មវិញ្ញាបនបត្រអប់រំជាមួយថ្នាល verify.gov.tl ក្នុងដំណាក់កាលបន្ទាប់ ព្រមទាំងពង្រឹងសមត្ថភាពបច្ចេកទេស និងភាពជាម្ចាស់របស់ទីម័រឡេស្តេ ក្នុងការគ្រប់គ្រង គាំទ្រ និងពង្រីកការប្រើប្រាស់ថ្នាល Verify ទៅកាន់ស្ថាប័នរដ្ឋាភិបាល និងឯកសារសាធារណៈបន្ថែមទៀតនាពេលអនាគត។

សូមចុចអាន៖ https://www.facebook.com/share/p/1cwF4bXjtr/