ជំនួបពិភាក្សារវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (ឧ.វ.ប.ន.) និងក្រសួងប្រៃសណីយ៍និងទូរគមនាគមន៍​ (ក.ប.ទ.) ក្នុងប្រធានបទ ស្តីពីកិច្ចសហប្រតិបត្តិការក្នុងការជំរុញការធ្វើបរិវត្តកម្មរដ្ឋាភិបាលឌីជីថល

នាព្រឹកថ្ងៃពុធ ទី៣ ខែមេសា ឆ្នាំ២០២៤ នៅទីស្តីការ ឧ.វ.ប.ន. ឯកឧត្តម ហែម វណ្ណឌី រដ្ឋមន្ត្រី ឧ.វ.ប.ន. បានអញ្ជើញជាអធិបតីដឹកនាំជំនួបពិភាក្សារវាង ឧ.វ.ប.ន. និងក.ប.ទ. ក្នុងប្រធានបទ ស្តីពីកិច្ចសហប្រតិបត្តិការក្នុងការជំរុញការធ្វើបរិវត្តកម្មរដ្ឋាភិបាលឌីជីថល ដោយមានការអញ្ជើញចូលរួមពីឯកឧត្តម ជាប សត្ថារតន៍ រដ្ឋលេខាធិការប្រចាំការនៃ ក.ប.ទ. និងជាអនុប្រធានគណៈកម្មាធិការរដ្ឋាភិបាលឌីជីថល ឯកឧត្តម ជា សេរីវឌ្ឍ អគ្គលេខាធិការនៃអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល ថ្នាក់ដឹកនាំនិងសហការីនៃ ក.ប.ទ. ។

ជំនួបកិច្ចពិភាក្សាការងារនេះ មានគោលបំណងសំខាន់ធំៗផ្តោតលើការផ្លាស់ប្តូរមតិយោបល់ ក៏ដូចជាបទពិសោធ និងកិច្ចសហការដែលអាចជួយគ្នាទៅវិញទៅមក លើការជំរុញការធ្វើបរិវត្តកម្មរដ្ឋាភិបាលឌីជីថលនៃក្រសួងទាំងពីរ។

រូបភាព 4 សន្លឹក

សូមចុចអាន៖ https://www.facebook.com/share/p/1cVa5X3FX9/