ឯកឧត្តមអគ្គលេខាធិការរង ថោង សុពីមករា បានអញ្ជើញចូលរួមជាវាគ្មិនកត្តិយស ក្នុងកិច្ចពិភាក្សាស្ដីពី «ការចាប់យកនិងការប្រើប្រាស់បច្ចេកវិទ្យាហិរញ្ញវត្ថុក្នុងវិស័យបរធនបាលកិច្ច» នៃវេទិកាបរធនបាលកិច្ច ឆ្នាំ២០២៦

រាជធានីភ្នំពេញ៖ នារសៀលថ្ងៃទី៤ ខែសីហា ឆ្នាំ២០២៦ ឯកឧត្តម ថោង សុពីមករា អគ្គលេខាធិការរងនៃអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល (គ.រ.ឌ.) បានអញ្ជើញចូលរួមធ្វើជាវាគ្មិនកត្តិយស ក្នុងកិច្ចពិភាក្សាស្ដីពី «ការចាប់យកនិងការប្រើប្រាស់បច្ចេកវិទ្យាហិរញ្ញវត្ថុក្នុងវិស័យបរធនបាលកិច្ច» នៃវេទិកាបរធនបាលកិច្ច ឆ្នាំ២០២៦ ដោយមានការអញ្ជើញជាអធិបតីរបស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ សមាសភាពថ្នាក់ដឹកនាំ និងតំណាងមកពីក្រសួង-ស្ថាប័នពាក់ព័ន្ធ នៅសណ្ឋាគារសុខា ភ្នំពេញ។

ក្នងកិច្ចពិភាក្សានេះ ឯកឧត្តមអគ្គលេខាធិការរង បានចែករំលែកអំពីការចូលរួមរបស់ក្រសួងប្រៃសណីយ៍និងទូរគមនាគមន៍ និងគណៈកម្មាធិការរដ្ឋាភិបាលឌីជីថល ក្នុងការជំរុញការធ្វើបរិវត្តកម្មឌីជីថល និងការប្រើប្រាស់បច្ចេកវិទ្យា ប្រកបដោយប្រសិទ្ធភាព សុវត្ថិភាព និងទំនុកចិត្ត តាមរយៈការរៀបចំសេចក្តីព្រាងច្បាប់ស្តីពីកិច្ចការពារទិន្នន័យបុគ្គល និងសុខសាយប័រ ព្រមទាំងការអភិវឌ្ឍហេដ្ឋារចនាសម្ព័ន្ធឌីជីថលរួមមានហេដ្ឋារចនាសម្ព័ន្ធតភ្ជាប់ 4G និង 5G មជ្ឈមណ្ឌលទិន្នន័យជាតិ ថ្នាលផ្ទៀងផ្ទាត់ឯកសារ verify.gov.kh និងថ្នាល DG SuperApp ជាដើម។

រូបភាព 4 សន្លឹក

🔖 គួរបញ្ជាក់ផងដែរថា វេទិកាបរធនបាលកិច្ច នេះ ត្រូវបានរៀបចំឡើងក្នុងគោលបំណងពិភាក្សាអំពីបរិវត្តកម្មឌីជីថល និងការអភិវឌ្ឍវិស័យបរធនបាលកិច្ច ប្រកបដោយនវានុវត្តន៍ និងចីរភាព ដើម្បីបង្កើនប្រសិទ្ធភាពប្រតិបត្តិការ តម្លាភាព សុវត្ថិភាពទិន្នន័យ ការផ្ដល់សេវា និងការត្រួតពិនិត្យលើវិស័យនេះឱ្យកាន់តែល្អប្រសើរ។

សូមចុចអាន៖ https://www.facebook.com/share/p/1DN4r8jQ5D/