ថ្ងៃទី៦ សីហា ២០២៦
ឯកឧត្តមអគ្គលេខាធិការរង ជាង វុត្ថា បានអញ្ជើញធ្វេីបទបង្ហាញអំពីសមិទ្ធផល និងថ្នាលនិងកម្មវិធីរដ្ឋាភិបាលឌីជីថលសំខាន់ៗ ជូនដល់អង្គការ Passerelles Numériques Cambodia (PNC)
រាជធានីភ្នំពេញ៖ នាថ្ងៃទី៤ ខែសីហា ឆ្នាំ២០២៦ ឯកឧត្តម ជាង វុត្ថា អគ្គលេខាធិការរងនៃអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល (គ.រ.ឌ.) បានអញ្ជើញធ្វេីបទបង្ហាញអំពីសមិទ្ធផល និងថ្នាលនិងកម្មវិធីរដ្ឋាភិបាលឌីជីថលសំខាន់ៗ ដែលកំពុងរួមចំណែកក្នុងការជំរុញបរិវត្តកម្មឌីជីថលនៅកម្ពុជា ជូនដល់ថ្នាក់ដឹកនាំ បុគ្គលិក និងនិស្សិតនៃអង្គការ Passerelles Numériques Cambodia (PNC)។
ក្នុងដំណើរទស្សនកិច្ចសិក្សានេះ ប្អូនៗនិស្សិតបានធ្វើទស្សនកិច្ចដោយផ្ទាល់នៅតាមការិយាល័យបច្ចេកទេសនៃការិយាល័យអគ្គលេខាធិការដ្ឋានគណៈកម្មាធិការរដ្ឋាភិបាលឌីជីថល ដើម្បីស្វែងយល់ឱ្យកាន់តែច្បាស់អំពីដំណើរការការងារ និងការអនុវត្តការប្រើប្រាស់បច្ចេកវិទ្យាជាក់ស្តែងក្នុង។
រូបភាព 8 សន្លឹក
📌 គួរបញ្ជាក់ផងដែរថា ដំណើរទស្សនកិច្ចសិក្សានេះ មានគោលបំណងសំខាន់ៗដូចជា (១) បង្កើនការយល់ដឹងដល់ប្អូនៗនិស្សិតអំពីបរិវត្តកម្មឌីជីថល និងគំនិតផ្តួចផ្តើមនៃរដ្ឋាភិបាលឌីជីថលនៅកម្ពុជា (២) ភ្ជាប់ចំណេះដឹងទ្រឹស្តីទៅនឹងការអនុវត្តការងារជាក់ស្តែងក្នុងវិស័យបច្ចេកវិទ្យាព័ត៌មាន និងសារគមនាគមន៍ និងបច្ចេកវិទ្យាឌីជីថល (៣) ផ្តល់ការលើកទឹកចិត្ត ដល់និស្សិតក្នុងការចាប់យក និងកសាងអាជីពក្នុងវិស័យឌីជីថលនាពេលអនាគត
🇰🇭 ការអភិវឌ្ឍសមត្ថភាពយុវជនជំនាន់ក្រោយ គឺជាមូលដ្ឋានគ្រឹះដ៏សំខាន់សម្រាប់ការកសាងសង្គម និងសេដ្ឋកិច្ចឌីជីថលកម្ពុជាឱ្យកាន់តែរឹងមាំ និងមានចីរភាព។
សូមចុចអាន៖ https://www.facebook.com/share/p/18vpQoaH25/
