លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម និងសហការី បានទទួលជួបពិភាក្សាការងារជាមួយក្រុមការងារបេសកកម្មរបស់ធានាគារអភិវឌ្ឍន៍អាស៊ី (ADB) និងមជ្ឈមណ្ឌលបណ្តុះធុរកិច្ចថ្មី តេជោ

(ភ្នំពេញ)៖ នាព្រឹកថ្ងៃពុធ ទី១១ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម និងសហការី បានទទួលជួបពិភាក្សាការងារជាមួយក្រុមការងារបេសកកម្មរបស់ធានាគារអភិវឌ្ឍន៍អាស៊ី (ADB) និងមជ្ឈមណ្ឌលបណ្តុះធុរកិច្ចថ្មី តេជោ ដើម្បីពិភាក្សាលើគម្រោង “ការកសាងភាពធន់សម្រាប់សមាហរណកម្មអភិបាលកិច្ចឌីជីថល និងប្រកបដោយប្រសិទ្ធភាពនៅកម្ពុជា” (Building Resilience for Integrated Digital Governance and Efficiency in Cambodia -BRIDGE Cambodia) ។

កិច្ចពិភាក្សានេះ បានផ្តោតលើចក្ខុវិស័យ និងអាទិភាពរបស់ក្រសួងពាណិជ្ជកម្ម ក្នុងការធ្វើឌីជីថលូបនីយកម្មពាណិជ្ជកម្ម (Trade Digitalization) ព្រមទាំងពិភាក្សាលើការរៀបចំយន្តការអនុវត្ត (Implementation Arrangement) សម្រាប់ការរៀបចំត្រៀមអនុវត្តគម្រោង BRIDGE Cambodia របស់ធនាគារអភិវឌ្ឍន៍អាស៊ី ក្នុងគោលដៅពង្រឹងអភិបាលកិច្ចឌីជីថល និងបង្កើនប្រសិទ្ធភាពការងារនៅកម្ពុជា។

រូបភាព 5 សន្លឹក

សូមចុចអាន៖ https://www.facebook.com/share/p/17b73TexUJ/